Војислав Павловски

Војислав Милошев Павловски ( 1925 во Скопје — 1945 во Пољана, Хрватска) — македонски партизан, борец за слобода на Македонија и учесник во НОВ.^[1]

Животопис

Потекнувал од сиромашно градско семејство. По завршувањето на основното училиште изучил шивачки занает и се вработил во Скопје. На 20 ноември 1944 година по ослободувањето на Македонија, стапил во Треттата македонска ударна бригада. Со неа учествувал во пробивот на Сремскиот фронт кај Шид-Товарник. Во една од натамошните битки кај Пољана, загинал кон крајот на април 1945 година.^[1]