Вршац
From Wikipedia, the free encyclopedia
Remove ads
Вршац — град и општина во Република Србија. Во 2011, населението на градот изнесуваше 35.701, додека пак општината имаше 52.026 жители. Вршац се наоѓа во регионот Банат во покраината Војводина.
.jpg)
.jpg)
Remove ads
Име
Името Вршац има словенско потекло, и доаѓа од старословенскиот збор *vьrxъ, односно „врв“. [мртва врска]
На романски градот е познат како Vârșeț, на унгарски како Versec или Versecz, на германски како Werschetz, и на турски како Virşac или Verşe.
Историја
Симболот на градот, Вршачката кула, е изградена во првата половина на 15ти век во времето на унгарското владеење. Ја подигнал Ѓураѓ Бранковиќ по падот на Смедерево и неговото заземање од страна на Османлиите. Вршац и Банат биле освоени од Османлиите во 1552 година. Во 1594 година населението кренало буна, во надеж дека ќе се ослободи во содејство со австриската армија. Првобитно имале успех и помеѓу другите градови ослободен бил и Вршац, меѓутоа кон крајот на летото, Турците ги поразиле востаниците и започанле да се одмаздуваат. Најголем дел од Србите побегнале во Ердељ, а Вршац добил ориентален изглед. Владеењето на Турците траело до 1716 година (вкупно 164 години).
Во 1848/1849 револуција ги наруши добрите односи меѓу Србите и Германците, бидејќи Србите се бореа на страната на австриските власти, а Германците се бореа на страната на унгарските револуционери. Во 1848-1849, градот бил дел од српската автономна Војводина, 1849-1860, таа беше дел од Војводството на Србија и од Банат, посебна австриска провинција. По укинувањето на војводството, Вршац беше вклучен во областа Темеш на Кралството Унгарија, која стана една од двете автономни делови од Австроунгарија во 1867. Градот бил и седиште на областа. Во 1910 година, населението на градот броеше 27.370 жители, од кои 13.556 зборувале германски јазик, 8.602 зборувале српски, 3.890 зборувале унгарски и 879 зборувале романски.
Од 1918 година, градот бил дел од новоформираното Кралство на Србите, Хрватите и Словенците (подоцна преименувано во Југославија). Според пописот 1921 година, луѓето кои зборуваат германски јазик беа најбројни во градот, а пописот 1931 регистрира 13.425 говорници на југословенските јазици и 11.926 говорници на германски јазик. Во текот на Оската окупација (1941-1944), Вршац беше дел од автономниот Банат во областа уредена со воена администрација во Србија. Многу Дунавски Шваби соработувале со нацистичките власти и многу луѓе беа регрутирани во СС. Во 1944 година, еден дел од граѓаните на Вршац од германска етничка припадност го напуштиле градот, заедно со поразената германска армија. Оние кои останаа во Вршац беа испратени во локалните комунистички логори, каде што некои од нив починале од болести и неисхранетост. Според некои тврдења, некои биле измачувани или убивани од страна на партизаните. Од 1944 година кога беше ослободен од 46-тата Армија на Црвената армија, градот бил дел од новата социјалистичка Југославија. Логорите биле затворени (во 1948 година) и југословенското државјанство им беше вратено на Германците, останатото германско население ја напуштило Југославија поради економски причини.
Население
Индустрија
Вршац е град познат по добро развиена индустрија, особено лекови, вино и пиво, кондиторски и текстилни производи. Водечка фармацевтска компанија во Вршац (и на национално ниво) е Хемофарм група, која помогна да започне Технолошкиот парк во градот.
Земјоделство
Вршац се смета за еден од најзначајните центри на земјоделството во регионот Јужен Банат, кој е во јужниот дел на покраината Војводина. Тоа е, главно поради тоа што има 54.000 хектари обработливо и исклучително плодно земјиште во општествена сопственост.
Самиот град, заедно со 22 околни заедници има околу 52.000 жители, чии животи се тесно поврзани со земјоделството.
Надворешни врски
 |
„Вршац“ на Ризницата ? |
- Вршац низ слики Архивирано на 25 август 2009 г.
- Официјална страница
- Град Вршац
- Банат
- Романци во Банат[мртва врска]
Wikiwand - on
Seamless Wikipedia browsing. On steroids.
Remove ads