В’гени

В’гени или В’нгени (грчки: Σεβαστιανά, Севастјана; до 1926 година: Βίγκενη, Вигени^[2]) — село во Воденско, Егејска Македонија, дел од денешната Општина Вртикоп, во Централна Македонија, Грција.

В’гени Σεβαστιανά
Поглед на селото В’гени (второто по оддалеченост на фотографијата)
В’гени
Местоположба во областа В’гени Местоположба на В’гени во општината Вртикоп и областа Централна Македонија
Координати: 40°46′N 22°07′E
Земја	Грција
Област	Централна Македонија
Округ	Постол
Општина	Вртикоп
Општ. единица	Вртикоп
Надм. вис.	&1000000000000006000000060 м
Население (2011)[1]
• Вкупно	1.392
Час. појас	EET (UTC+2)
• Лето (ЛСВ)	EEST (UTC+3)

Географија и местоположба

Селото се наоѓа три километри западно од градот Вртикоп, сред самото воденско-пазарско поле, на надморска височина од 60 метри.^[3] Селскиот атар зафаќа површина од 12 квадратни километри.

Сместено е во областа Сланица.

Историја

До 1924 година, селото В’гени било населено со македонско и турско население.^[3]

Муслиманското население на В’гени било иселено во Турција во 1924 година во согласност со Лозанскиот договор и на негово место биле населени грчки бегалци. Во 1928 година, селото претставувало мешана населба со 106 бегалски семејства со вкупно 471 жител.^[4]

Во 1926 година, селото било преименувано во Севастјана (Σεβαστιανά).

Селото настрадало за време на Втората светска војна, иако тоа не се почувствувало на бројот на жителите.

Стопанство

Земјиштето е рамно и многу плодно, бидејќи се наводнува. Населението произведува многу овошје, пченица, памук и други земјоделски култури. Делумно е развиено и краварството.^[3]

Население

Во „Етнографија на Адријанопол, Монастир и Салоника“ се вели дека во 1873 г. В’гени (Vagheni) е село во Воденската каза на Отоманското Царство со 22 куќи со вкупно 104 жители.^[5]

Според Николаос Схинас („Οδοιπορικαί σημειώσεις Μακεδονίας, Ηπείρου, Νέας οροθετικής γραμμής και Θεσσαλίας“) во средината на 1880-тите години во В’гени (Βούγκιανη) имало 12 семејства христијани и 40 муслимани.^[6]

Според статистиката на Васил К’нчов („Македонија. Етнографија и статистика“) во 1900 година селото имало 180 жители Македонци, 240 Турци и 90 Роми.^[3][7] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Вугљани (Vougliani) имало 120 Македонци.^[8]

Во 1920 година, В’гени било посочено со 40 турски куќи и 17 македонски семејства.^[3][9]

Во пописот од 1913 година селото било забележано со 158 жители (во други грчки статистички показатели се води со 475, што е веројатно поточно). Во 1920 година имало 440 жители. По иселувањето на Турците во 1924 година, тука биле населени повеќе бегалски семејства од Понд и Мала Азија - вкупно 318 жители. Така, селото станало мешана населба, која во 1928 година имало 589 жители. Во 1940 година нивниот број се искачил на 987, од кои 263 Македонци и 724 бегалци. Иако селото настрадало во Втората светска војна, бројот на жителите во селото се зголемува. Во 1951 година биле забележани 1.005 жители, во 1961 година нивниот број се искачил на 1.216, во 1971 година биле забележани 1.257, во 1981 година 1.213, а во 1991 година се искачило на 1.348 жители.^[3]

Во пописот спроведен во 2001 година, селото било попишано со 1.501 жител. Во најновиот спроведен попис од 2011 година во Грција, селото било забележано со 1.392 жители.

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	987	1.005	1.216	1.257	1.213	1.348	1.501	1.392

Извор за 1940-1991 г.: Т. Симовски, Населените места во Егејска Македонија

Самоуправа и политика

Селото припаѓа на општинската единица Вртикоп со седиште во истоимениот град, која припаѓа на поголемата општина Вртикоп, во округот Постол. Воедно, селото е дел од општинскиот оддел В’гени, во кој е единствено село.