Грипа (село)

Грипа — поранешно село во Гуменџиско, Егејска Македонија, на територијата на денешната општина Пајонија, Централна Македонија, Грција.

Грипа
Грипа
Местоположба во областа Грипа Местоположба на Грипа во општината Пајонија и областа Централна Македонија
Координати: 41°2.8′N 22°24.51′E
Земја	Грција
Област	Централна Македонија
Округ	Кукуш
Општина	Пајонија
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓало на источните падини на планината Пајак, близу местото кајшто се спојуваат реките Голема (Валија Маре) и Студена (Валија Раци). Лежело меѓу селата Купа и Црна Река.^[1]

Историја

Грипа било македонско село распаднато на почетокот на XIX век поради чести напади од разбојнички банди сочинети од турски и албански дезертери од турската војска, месно познати како „тумбулеци“. Жителите се преселиле во селата Баровица и Црна Река. Нивните потомци сè уште го паметат своето потекло. Меѓу нив познато е семејството Шашови.^[1] Месноста и денес го носи името Грипа.^[2]