Долно Сари Ќој
село во Егејска Македонија From Wikipedia, the free encyclopedia
Remove ads
Долно Сариќој (грчки: Κάτω Ποταμιά, Като Потамија, до 1928 Σαρή Κιόι, Сариќој)[2] — село во Општина Кукуш во Кукушкиот округ, Егејска Македонија, денес во областа Централна Македонија, Грција.
Remove ads
Географија и местоположба
Селото се наоѓа на 8 километри југоисточно од градот Кукуш, на неколку километри од грчко-македонската граница, во близина на североисточниот брег на Дојранското Езеро. Селото се наоѓа на надморска височина од 209 метри.
Историја
Во „Етнографија на Адријанопол, Монастир и Салоника“ се вели дека во 1873 г. Долно Сариќој се состоело од 20 семејства со 70 жители муслимани[3] Според статистиката на Васил К’нчов („Македонија. Етнографија и статистика“) во 1900 година Долно Сариќој имало 70 жители муслимани[4].
По крајот на Балканските војни, селото било вклучено во составот на Грција. На пописот од 1913 година, во селото биле евидентирани 236 жители (заедно со Горно Сари Ќој), додека во 1920 година 141 жител Турчин. Според Лозанскиот договор, во селото било населено грчко население од Мала Азија, Источна Тракија и Понд, додека од селото се иселиле муслиманските жители[5]. Во 1928 година, селото било преименувано во Като Потамија.[6]
Remove ads
Демографија
Во 1928 година селото било чисто бегалско со 290 жители бегалци.[7], додека во 1940 година селото броело 207 жители. Селото во пописот од 1951 година броело 157 жители, на пописот од 1961 година, во селото живееле 136 жители, во 1971 година имало 114 жители, во 1981 година имало 127 жители, додека во 1991 година имало 82 жители[8]. Денеска, населението на селото е 62 жители според пописот од 2011 година.
Еве преглед на населението во сите пописни години, од 1940 г. до денес:
- Извор за 1940-1991 г.: Т. Симовски, Населените места во Егејска Македонија
Наводи
Wikiwand - on
Seamless Wikipedia browsing. On steroids.
Remove ads