Драгарино

Драгарино — село во Општина Битола, во околината на градот Битола.

Драгарино
Драгарино Местоположба на Драгарино во Македонија Драгарино на карта
Координати 41°5′2″N 21°9′18″E
Општина	Битола
Население	84 жит. (поп. 2021)[1]
Шифра на КО	02046
Надм. вис.	715 м
Драгарино на општинската карта Атарот на Драгарино во рамките на општината
Драгарино на Ризницата

Географија и местоположба

Селото се наоѓа во областа Пелагонија, поточно во Битолското Поле, од левата страна на патот Битола - Демир Хисар - Кичево.

Историја

Во XIX век селото било дел од Битолската каза на Отоманското Царство.

Само 1 жител на оваа населба е заведен како жртва во Втората светска војна.^[2]

Стопанство

Население

Население во минатото

Година Нас. ±% 1948 109 —     1953 120 +10.1% 1961 131 +9.2% 1971 130 −0.8% 1981 148 +13.8%	Година Нас. ±% 1991 113 −23.6% 1994 81 −28.3% 2002 86 +6.2% 2021 84 −2.3%

Според статистиката на Васил К’нчов („Македонија, Етнографија и статистика“) од 1900 година, во Драгарино живееле 55 жители, сите Македонци.^[3]

На Етнографската карта на Битолскиот Вилает од 1901 година, Драгарино се води како чисто македонско село во Битолската Каза на Битолскиот Санџак со 8 куќи.^[4]

Според егзархискиот секретар Димитар Мишев, („La Macédoine et sa Population Chrétienne“) во 1905 година во Драгарино имало 40 Македонци, под врховенството на Бугарската егзархија.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 50 Македонци.^[6]

Според пописот 2002 селото брои 86 жители, сите Македонци.^[7]

Според последниот попис од 2021 година, во селото живееле 84 жители, од кои 77 Македонци и 7 лица без податоци.^[8]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	55	40	109	120	131	130	148	113	81	86	84

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Родови

Драгарино е македонско православно село, во селото има само два рода, и двата се доселенички. Родовите се населени средината на XIX век

Родови во Драгарино се:

• Доселеници: Размовци (9 куќи) доселени се од селото Вирово во Железник. Го знаат следното родословие: Донче (жив на 48 г. во 1951) Донче-Секула-Петре-Размо, кој се доселил во селото; Вељановци (6 куќи) доселени се од Црничани, го знаат следното родословие: Тодор (жив на 70 г. во 1951 година) Кузман-Стојан-Вељан, кој се доселил.^[13]

Општествени установи

Самоуправа и политика

Избирачко место

Во селото постои избирачкото место бр. 196 според Државната изборна комисија, сместени во просториите на основното училиште.^[14]

На претседателските избори во 2019 година, на ова избирачко место биле запишани вкупно 79 гласачи.^[15]

Културни и природни знаменитости

Цркви^[16]

• Црква „Воскресение Христово“ — главната селска црква
• Црква „Успение на Пресвета Богородица“ — црква осветена на 6 јуни 2015 г.^[17]

Археолошки наоѓалишта^[18]

• Градски Пат — населба од хеленистичко и римско време
• Коловозник — црква и некропола од средниот век

Редовни настани

Личности

Култура и спорт

Иселеништво