Дражево

Дражево — село во Општина Ново Село, во областа Подгорје, во околината на градот Струмица.

Дражево
Дражево Местоположба на Дражево во Македонија Дражево на карта
Координати 41°22′23″N 22°55′23″E
Општина	Ново Село
Население	234 жит. (поп. 2021)[1]
Пошт. бр.	2436
Шифра на КО	27026
Слава	Мала Богородица
Дражево на општинската карта Атарот на Дражево во рамките на општината
Дражево на Ризницата

Географија и местоположба

Дражевска Река

Јавор во селото, заштитен со закон

Новото училиште во село Дражево, Струмичко

ОУ „Мануш Турновски“

Црква „Рождество на Пресвета Богородица“

Селото Дражево се наоѓа на југоисточниот дел од Македонија, во подножјето на планината Беласица, на надморска височина од 330 метри. Од најблискиот град Струмица е оддалечен 29 километри. Низ селото поминува Дражевска Река, која го дели селото на два дела.

Селото се граничи со Смолари, Бајково, Ново Коњарево, Старо Коњарево и соседна Грција (Егејска Македонија).

Историја

Легенди за името

Се смета дека селото го добило името според машкото име Дражен или Драган. Втората легенда вели дека на луѓето им било драго што живеат овде, па затоа селото било наречено Дражево.

Отоманско Царство

Првпат селото се споменува во пописот од 1519 година, спроведен од Турците, кога селото имало само 5 семејства под името Дражева^[2].

Пред Балканските војни, селото се наоѓало во состав на Петричката околија.

Југославија

По крајот на Балканските војни, селото било вклучено во составот на Царство Бугарија. По крајот на Првата светска војна, според Нејскиот мировен договор, селото било вклучено во составот на Кралство СХС, заедно со Струмичкиот регион, додека по крајот на Втората светска војна, во рамките на СФРЈ.

Македонија

По распаѓањето на СФРЈ, селото формално било вклучено во составот на Република Македонија. Според територијалната организација на Република Македонија, селото припаѓа на Општина Ново Село.

Население

Население во минатото

Година Нас. ±% 1948 500 —     1953 516 +3.2% 1961 604 +17.1% 1971 650 +7.6% 1981 629 −3.2%	Година Нас. ±% 1991 573 −8.9% 1994 467 −18.5% 2002 462 −1.1% 2021 234 −49.4%

Според статистиката на Васил К’нчов („Македонија, Етнографија и статистика“) од 1900 година, во Дражово живееле 380 жители, сите Турци.^[3]

Според германска карта издадена во 1941 година, а заснована на пописот на Кралството Југославија од 1931 година, селото имало 300 Македонци.^[4]

Населението масовно се иселува од селото, па така иако на пописот од 1971 година имало 649 жители, на пописот од 2002 година Дражево брои само 462 луѓе^[5].

Според пописот на населението на Македонија од 2002 година, селото има 462 жители, од кои 460 Македонци, 1 Србин и 1 останат.^[6]

Според последниот попис од 2021 година, во селото живееле 234 жители, од кои 200 Македонци, 1 Србин и 33 лица без податоци.^[7]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	380	—	500	516	604	650	629	573	467	462	234

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Општествени установи

Во селото има пошта, основно четиригодишно училиште, амбуланта, матична служба, месна заедница и водовод.

Самоуправа и политика

Избирачко место

Во селото постои избирачкото место бр. 1783 според Државната изборна комисија, сместени во просториите на основното училиште.^[12]

На претседателските избори во 2019 година, на ова избирачко место биле запишани вкупно 479 гласачи.^[13]

Културни и природни знаменитости

• Дражевска Река
• Јавор

Редовни настани

Во горниот дел од Дражево, се наоѓа црквата „Рождество на Пресвета Богородица“, а селската слава се празнува на 21 септември.

Култура и спорт

Во селото опстојува и спортскиот клуб „Беласица“, кој се натпреварува во Општинската фудбалска лига.