Држилово

Држилово — село во Општина Сопиште. Според пописот од 2002 година, селото имало население од 362 жители. Дел од Македонците-муслимани, поради политичко-религиски причини, се изјасниле како Турци.

Оваа статија се однесува на село во Општина Сопиште. За истоименото село во Егејска Македонија, погл. Држилово (Негушко).

Држилово
Држилово Местоположба на Држилово во Македонија Држилово на карта
Координати 41°51′2″N 21°20′52″E
Општина	Сопиште
Население	421 жит. (поп. 2021)[1]
Шифра на КО	25045
Надм. вис.	715 м
Држилово на општинската карта Атарот на Држилово во рамките на општината
Држилово на Ризницата

Географија и местоположба

Селото е дел од областа Торбешија и се наоѓа во западното подножје на Караџица.

Историја

Во XIX век, селото е дел од нахијата Каршијак во Скопската каза во Отоманското Царство.

Население

Население во минатото

Година Нас. ±% 1948 777 —     1953 805 +3.6% 1961 457 −43.2% 1971 288 −37.0% 1981 330 +14.6%	Година Нас. ±% 1991 368 +11.5% 1994 374 +1.6% 2002 362 −3.2% 2021 421 +16.3%

Според опширните османлиски дефтери за населението на Скопската Каза од 1832/33 година, селото било муслиманско, со 41 муслимански домаќинства. На овој попис биле забележани 132 мажи муслимани, со 14 новороденчиња. Се проценува дека селото во тој период имало 292 жители.^[2]

Стефан Верковиќ во 1857 го бележи со 214 жители.^[3]

Според податоците на Васил К’нчов од 1900 година, селото имало 300 жители муслимани (Македонци).^[4]

Според германска карта издадена во 1941 година, а заснована на пописот на Кралството Југославија во 1931 година, селото имало 650 Македонци.^[5]

Според пописот од 2002 година, селото имало население од 362 жители, од кои 115 Македонци, 242 Турци и 5 други.

Според последниот попис од 2021 година, во селото живеел 421 жител, од кои 1 Албанец, 414 Турци, 3 останати и 3 лица без податоци.^[6]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	300	—	777	805	457	288	330	368	374	362	421

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Држилово е торбешко село. Според истражувањата од 1950 година родови во селото се:

• Доселеници: Балевци (8 к.), Љутвиовци (3 к.), Сејфовци (8 к.), Арифовци (4 к.), Суљовци (2 к.), Беадиновци (3 к.), Далиповци (2 к.), Јајовци (13 к.), Бејтовци (6 к.), Сеферовци (1 к.), Јакуповци (1 к.), Љатифовци (1 к.), Бајрамовци (10 к.), Асановци (16 к.), Салиовци (8 к.), Аметовци (4 к.), Таир (1 к.), Адемовци (3 к.), Исаковци (4 к.) и Алиловци (3 к.) сите наведени родови потекнуваат од четири семејства кои се доселиле во втората половина на XVIII век од мијачкото-торбешко село Жировница; Оџевци (7 к.) потекнуваат од предокот Џафер кој бил Албанец и живеел во Скопје. Он дошол во средината на XIX век, по повик на селаните да им биде Оџа.^[11]

Иселеништво

До 1950 година од селото се иселиле 30 семејства во Скопје, и 40 семејства во Турција, каде се населени во Измир и околината на Измир.^[11] и после тоа има иселување претежно во тие два правца.

Поврзано

• Торбешија
• Општина Сопиште
• Сопиште