Источна Фризија

Источна Фризија или Источен Фризланд (германски: Ostfriesland; источнофризиски долногермански: Ōstfräisland;^[1] или Oostfreesland;^[2] холандски: Oost-Friesland; затерландски фризиски: Aastefräislound) — крајбрежна област во северозападниот дел на сојузната покраина Долна Саксонија, во Германија. Тоа е делот од Фризија помеѓу Западна Фризија и Средна Фризија во Холандија и Северна Фризија во сојузната покраина Шлезвиг-Холштајн, во Германија.

За други значења на поимот, погл. Фризија (појаснување).

Карта на Источна Фризија во Германија

Знаме на Источна Фризија

Грб на Источна Фризија

Административно, Источна Фризија припаѓа на три окрузи: Аурих, Лер, Витмунд и слободниот град Емден.^[3][4] Областа зафаќа површина од 3.144,26 км² и на нејзе живеат 465.000 луѓе.

Близу брего постојат низа острови кои се наречени Источнофризиски Острови (Ostfriesische Inseln). Овие острови се (од запад кон исток) Боркум, Јист, Нордернај, Балтрум, Лангеог и Шпикерог.

Географија

Пејзажот е под влијание на близината на Северното Море. Источнофризиските Острови се протегаат 90 километри долж брегот, на кои се наоѓаат дини и песочни плажа, иако во средишните делови имаат трева и дрвја. Областа помеѓу островите и брегот е посебна во светски рамки: плимата остава каллив морски брег со бројни потоци, кои привлекуваат голем број на црви и ракови, како и птици. Поради ова, областа на Ваденското Море која најпрвин била национален парк, била прогласена за светско природно наследство на УНЕСКО.^[5] Подалеку од брегот, поголемиот дел од областа е гест и голет.

• 
  Ваденско Море
• 
  Воздушен поглед на Лангеог
• 
  Утринска магла во Источна Фризија (2003 г.)

Поврзано

• Портал: Германија

• Фризи
• Фризија