Кавалски Санџак

Кавалски Санџак (османски турски: Sancak-i/Liva-i Kavala) ― отомански санџак или лива, односно покраина од второ ниво, што го опфаќала регионот околу пристанишниот град Кавала (сега во Егејскиот дел на Македонија) во источна Македонија.

Кавалски Санџак османски турски: Liva-i Kavala
Санџак на Отоманската Империја
пред 1588–ок. 1864
Главен град/седиште		Кавала
Составни делови		{{{entities}}}
Историја
-	Основана	пред 1588
-	Укината	ок. 1864
Денес во		Грција

Историја

Градот веројатно паднал во рацете на Османлиите околу 1383 година, кратко по падот на Сер.^[1] Во 15 век, Кавалско било познато по своето производство на житарки и свила, но главно по рудниците за сребро.^[1]

Санџакот е споменат од Леунклавиј во 1588 година и повторно во седмиот том од патописите на Евлија Челеби како покраина на Островскиот Ејалет, но во петтиот том од истото дело едноставно како капетанија на Галиполскиот Санџак.^[2] Во времето на посетата на Евлија Челебија, Санџакот содржел 12 зијамети и 235 тимари и бил поделен на седум кази.^[1]

Во 18 век и првата половина на 19 век, Драмскиот Санџак бил дел од Румелискиот Ејалет;^[2] неговите приходи обично му биле доделени на пашата на Солун, кој управувал со Санџакот преку фискален агент (мутеселим).^[1] Со административните реформи од 1864 година, Санџакот бил укинат и вклучен во Драмскиот Санџак кој бил дел од Солунскиот Вилает. Градот Драма останал средиште на казата во новата покраина.^[1][2]

Поврзано

• Кавала (округ)