Качамак

Качамак^[1][2], бакрдан^[3][4], бакрданик^[5][6] или тури-борави^[7][8] — вид традиционално јадење што главно се прави од пченкарно брашно.^[9]

Качамак

Традиционален качамак од село Трница во прилог со кисело млеко и парче сирење.
Дел од оброкот	главно
Регион	Балкан
Главни состојки	пченкарно брашно
Варијанти	повеќе

Ова јадење спаѓа во традиционалните јадења во Македонија, Србија, Црна Гора, Босна и Херцеговина, Бугарија, и Турција. Во качамакот може да се додаваат разни прилози како што се: сирење, месо, пржена свинска маст, пржена сланина, џимиринки, кисело млеко, слатко млеко, шеќер и кајмак.^[10]

За да се заштеди на брашно, се додава компир, кој се вари до неговото распаѓање и се соединува со брашното во хомогена смеса.

Слични јадења како качамакот постојат и во другите краеви на Балканот, но под разни називи како: мамалига, жганци, пура, палента и полента^[11]. Во Италија и западните земји постојат слични јадења кои исто така се викаат palenta или polenta, додека на југот на САД се викаат grits.

Галерија

• 
  Качамак со месо
• 
  Качамак со овчо сирење
• 
  Качамак со месо
• 
  Качамак со месо

Поврзано

• Палента