Коинце

Коинце — село во Општина Старо Нагоричане, во областа Средорек, во околината на градот Куманово.

Коинце
Коинце Местоположба на Коинце во Македонија Коинце на карта
Координати 42°15′2″N 21°51′32″E
Регион	Североисточен
Општина	Старо Нагоричане
Област	Средорек
Население	56 жит. (поп. 2021)[1]
Пошт. бр.	1302
Повик. бр.	031
Шифра на КО	17047
Надм. вис.	440 м
Коинце на општинската карта Атарот на Коинце во рамките на општината
Коинце на Ризницата

Население

Население во минатото

Година Нас. ±% 1948 269 —     1953 287 +6.7% 1961 266 −7.3% 1971 230 −13.5% 1981 160 −30.4%	Година Нас. ±% 1991 105 −34.4% 1994 86 −18.1% 2002 70 −18.6% 2021 56 −20.0%

Според германска карта издадена во 1941 година, а заснована на пописот на Кралството Југославија од 1931 година, селото имало 300 Македонци.^[2]

Според пописот од 2002 година, во селото Коинце имало 70 жители, сите Македонци.^[3]

Според последниот попис од 2021 година, во селото живееле 56 жители, од кои 49 Македонци, 1 Србин и 6 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	180	200	269	287	266	230	160	105	86	70	56

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Коинце е македонско село.

Според истражувањата од 1970 година, родови во селото се:

• Доселеници: Стошинци (16 к.), Лингурци (4 к.), Дешини (2 к.), Ибишовци (4 к.), Карадаци (3 к.), Бошковци (2 к.) и Пржинци (4 к.) потекнуваат од ист предок, тројца браќа. И доселени се од некое место во моравска Србија. Во еден од родовите се знае следното родословие: Трајан (жив на 65 г. во 1970 година) Карафил-Стефан-Станко, за понатамошните предци не знаат како се викале.^[9]

Личности

Личности родени во Коинце:

• Драга Сарева Илиевска — учесник во НОВ на Македонија

Иселеништво

Постари иселеници од селото се. Миљинци иселени се во Пелинце. Долинци иселеници се во селото Облавце. После Втората светска војна иселување имало кон Куманово (преку 15 семејства), Скопје (преку 3 семејства) и во Глогоњ кај Панчево (околу 5 семејства).^[9]