Колибари

Колибари — село во Општина Кичево, во околината на градот Кичево.

Колибари
Колибари Местоположба на Колибари во Македонија Колибари на карта
Координати 41°34′19″N 20°57′45″E
Општина	Кичево
Население	355 жит. (поп. 2021)[1]
Шифра на КО	12037
Надм. вис.	708 м
Колибари на општинската карта Атарот на Колибари во рамките на општината
Колибари на Ризницата

Географија и местоположба

Селото се наоѓа на источното подножје на Бистра Планина, поточно на десниот брег на Зајаска Река. Оддалечено е 7 километри северно од Кичево.

Историја

Во XIX век селото било дел од Кичевската каза во Отоманското Царство.

Население

Население во минатото

Година Нас. ±% 1948 340 —     1953 378 +11.2% 1961 423 +11.9% 1971 482 +13.9% 1981 629 +30.5%	Година Нас. ±% 1991 0 −100.0% 1994 603 —     2002 747 +23.9% 2021 355 −52.5%

Според германска карта издадена во 1941 година, а заснована на пописот на Кралство Југославија во 1931 година, селото имало 250 Албанци.^[2]

Според пописот од 2002 година, селото има население од 747 жители, од кои 742 Албанци, 1 Србин и 4 други.^[3]

Според последниот попис од 2021 година, во селото живееле 355 жители, од кои 338 Албанци и 17 лица без податоци.^[4]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	—	—	340	378	423	482	629	0	603	747	355

Извор за 1900 г.: Македонија. Етнографија и статистика.^[5]; за 1905 г.: La Macédoine et sa Population Chrétienne.^[6]; за 1948-2002 г.: Државен завод за статистика на РМ.^[7]; за 2021 г.: Државен завод за статистика на РМ.^[8]

Родови

Колибари е албанско село.

Според истражувањата на Јован Трифуноски во периодот 1961-1965.

Албанското население во Колибари е поделено на пет рода: Тоа се: Спаије (20 к.), Коколе (17 к.), Алиме (11 к.), Гега (11 к.) и Хиса (10 к.). Споменатите родови, потекнуваат од пет браќа доселени околу 1820 година од соседното село Зајас. Браќата се викале: Зендел Спаија (најстариот брат), Коколе, Алим, Дервиш Гега и Лиман Хиса. Во родот Коколе е познато следното родословие: Вели (жив, на 40 години)-Рушит-Вели-Ибраим Коколе, кој се доселил. Во Зајас нивните куќи им биле во Теќе Маало. Таму имале истоимени роднини. Подалечното потекло им е од Матија во Северна Албанија.^[9]

Самоуправа и политика

Избирачко место

Во селото постои избирачкото место бр. 829 според Државната изборна комисија, сместени во просториите на основното училиште.^[10]

На претседателските избори во 2019 година, на ова избирачко место биле запишани вкупно 667 гласачи.^[11]

Културни и природни знаменитости

Археолошки наоѓалишта^[12]

• Римски Гробишта — доцноантичка населба;
• Кокале — средновековна некропола;

Личности

• Оломан Сулејмани (р. 1950) - политичар;

Поврзано

• Кичевско Поле
• Општина Зајас
• Зајас