Коритник

Коритник (албански: Maja e Koritnikut, српски: Коритник) — варовничка планина во североисточна Албанија и југозападно Косово^[a], помеѓу градовите Кукуш и Призрен.^[4] Целата јужна и југоисточна страна на масивот навлегува во областа Гора, населена со Македонци-муслимани (Горанци).^[5] Висока е 2 393 м, мошне шумовита и целосно опкружена со ракавци на реката Бел Дрим. Одделена е од соседната планина Галица со Ванавската Клисура, долга 3,5 км, широка 30, а длабока околу 300 м.^[6]

За други значења на поимот, погл. Коритник (појаснување).

Коритник
Maja e Koritnikut / Коритник
Поглед на Коритник со Паштрик во позадината
Највисока точка
Надм. вис.	2 396 м [1]
Координати	42.0833°N 20.5666°E / 42.0833; 20.5666
Географија
Коритник Местоположба на Коритник Коритник на карта
Место	Кукушка област, Албанија Општина Драгаш, Косово[a]
Матичен венец	Кораб[2]
Геологија
Старост на карпата	тријас[3]
Вид	варовник

Горанското село Љубовишта со Коритник во позадината.

Шуми на Коритник

Природа и екологија

Масивот спаѓа во балканскиот екорегион на широколисните и мешани шуми од умерените предели. Планинските падини претежно се прекриени со иглолисни шуми. На високите пасишта живеат дивокози.

Коритник е опфатен во Природниот парк „Кораб-Коритник“, кој пак е дел од таканаречениот Европски зелен појас. Планината е прогласена за важно растително подрачје од меѓународно значење.^[7]

Истоимени природни места

Коритник се нарекува и карстно-варовничкото поле на кое лежи селото Лазарополе во областа Мала Река, западна Македонија.^[8]

Поврзано

• Кораб
• Гора
• Паштрик
• Галица
• Список на планини во Албанија

Белешки

a.

^ Косово е предмет на територијален спор помеѓу Република Србија и Република Косово. Како странски протекторат, Косово прогласило независност на 17 февруари 2008 г, но Србија и понатаму не го признава и тврди дека е нејзина суверена територија. Независноста на Косово не е целосно признаена од меѓународната заедница. Досега го признале 113 од вкупно 193 земји членки на ООН.