Кочо Муструкот

Кочо Муструков познат како Муструкот^[1] ( 1873 , Трстеница, Серско, денес во егејскиот дел на Македонија - 20 мај 1901 ) — македонски револуционер, војвода на Врховниот македоно-одрински комитет и Внатрешната македонско-одринска револуционерна организација.^[2][3][4]

Кочо Муструкот
Роден	1873 Трстеница, Солунски Вилает, Османлиска Империја
Починал	20 мај 1901(1901-05-20) (возр. 27–28)  ?

Животопис

Муструкот е роден во 1873 година в зихненското село Трстеница.^[5] Како долгогодишен ајдучки војвода, Муструкот учествувал во Мелничкото востание на Македонскиот комитет во 1895 година и поради недисциплинираност влегол во конфликт со војводата на четата Борис Сарафов.^[6]

После востанието повторно станал ајдук. Во 1899 година бил делегат на Рилското друштво на Шестиот македонски конгрес.^[7] Потоа бил привлечен кон ВМОРО и дејствувал со Гоце Делчев, но повторно се одвоил од четата, на своја глава договарал откуп на калуѓер од Серскиот манастир и го ослободил за 300-400 лири.^[8] Бил казнет со смрт за своеволие од Неврокопската реонска чета на Атанас Тешовски.^[9]