Маврови Анови

Маврови Анови — село во Општина Маврово и Ростуше, во областа Мала Река. Пред новата територијална поделба била седиште на истоимената општина, Општина Маврови Анови.

Маврови Анови
Црквата „Св. Кирил и Методиј“ во Маврови Анови
Маврови Анови Местоположба на Маврови Анови во Македонија Маврови Анови на карта
Координати 41°42′2″N 20°45′20″E
Општина	Маврово и Ростуше
Население	121 жит. (поп. 2021)[1]
Пошт. бр.	1256
Шифра на КО
Надм. вис.	1159 м
Маврови Анови на општинската карта Атарот на Маврови Анови во рамките на општината
Маврови Анови на Ризницата

Географија и местоположба

Селото се наоѓа во областа Мала Река, на брегот на вештачкото Мавровско Езеро, меѓу шумовитите и високите планини.

Историја

Вкупно 2 жители на оваа населба се заведени како жртви во Втората светска војна.^[2]

Споменик во Маврови Анови посветен на 52 градежни работници на хидросистемот „Маврово“ кои на 11 февруари 1956 година загинале при снежна лавина.

Население

Население во минатото

Година Нас. ±% 1948 241 —     1953 — —     1961 191 —     1971 199 +4.2% 1981 210 +5.5%	Година Нас. ±% 1991 186 −11.4% 1994 183 −1.6% 2002 167 −8.7% 2021 121 −27.5%

Според германска карта издадена во 1941 година, а заснована на пописот на Кралството Југославија од 1931 година, селото имало 50Македонци.^[3]

Според пописот на населението на Македонија од 2002 година, селото има 167 жители, од кои 137 Македонци, 16 Турци, 10 Роми, 2 Срби и 2 останати.^[4]

Според последниот попис од 2021 година, во селото живеел 121 жител, од кои 92 Македонци, 2 Албанци, 16 Турци, 2 Роми, 1 Влав и 8 лица без податоци.^[5]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	—	—	241	—	191	199	210	186	183	167	121

Извор за 1900 г.: Македонија. Етнографија и статистика.^[6]; за 1905 г.: La Macédoine et sa Population Chrétienne.^[7]; за 1948-2002 г.: Државен завод за статистика на РМ.^[8]; за 2021 г.: Државен завод за статистика на РМ.^[9]

Самоуправа и политика

Грб на поранешната Општина Маврови Анови.

ЦОУ „Денче Дејановски“ во Маврови Анови

Пред новата територијална поделба Маврови Анови биле седиште на истоимената општина, Општина Маврови Анови. По новата поделба тоа потпаднало во рамките на Општина Маврово и Ростуше. Денес во Маврови Анови е сместено седиштето на Одделението за урбанизам, комунални дејности, угостителство и туризам при Општина Маврово и Ростуше.