Мали оддалечени острови на САД

Мали оддалечени острови на САД (англиски: United States Minor Outlying Islands) — осум островски територии на САД во Тихиот Океан: Бејкеров Остров, островите Хауленд и Џарвис, Џонстоновиот Атол, Кингменовиот Гребен, Мидвејскиот, Палмирскиот Атол и островот Вејк; и една во Карипското Море: Наваса. Управата на САД понекогаш тука ги вбројува и карипските територии Бахо Нуево и Сераниља, но тие се предмет на спорување од страна на други земји.

Мали оддалечени острови на САД United States Minor Outlying Islands
Знаме Грб
Гесло: In God We Trust  (официјално) (лат. „Веруваме во Бога“) E Pluribus Unum  (традиционално) (лат. „Од многуте, едно“)
Химна: Star Spangled Banner
Местоположба на Мали оддалечени острови на САД
Главен град		нема - под централна управа на Вашингтон
Најголем village		островот Вејк
Службен јазик		англиски
Демоним		Американец, Островјанин
Уредување
•	Претседател	Барак Обама (Д)
•	Управник	нема
•	Намесник	нема
Површина
•	Вкупна	34,2 км2 (190та)
•	Вода (%)	88.6
Население
•	проценка за 2009 г.	300 (232ра)
•	Попис 2000	316
•	Густина	н/п жит/км2 (н/п)
БДП (ПКМ)		проценка за 2003 г.
•	Вкупен	н/п (2005)1 (н/п)
•	По жител	46,381 (САД)(2005)1 (6)
Валута		американски долар (USD)
НДД		.us .um (повлечен во 2008).
1.	2000.

Од сите овие острови, Палмирскиот Атол е единствената територија во состав на самите САД. Ниеден од нив нема постојано население, туку само привремен научен и воен персонал. Според пописот од 2000, избројани се 315 лица на Џонстоновиот Атол и 1 лице на островот Вејк.^[1] Во поновата историја, на островите не е забележано домородно население, освен во пописот од 1940. Во 1936 започнала организирана колонизација на Бејкеровиот Остров, Хауленд и Џарвис Baker, но сите жители биле евакуирани во 1942 поради Втората светска војна.^[2][3]

Островите се групираат заедно од статистички причини. Тие не се под една управа, и немаат заедничка културна и политичка историја.

Збирен код за островите во стандардот ISO 3166-1 alpha-2 е UM. Островите поединечно имаат бројчени кодови од ISO 3166-2 (вид. ISO 3166-2:UM). Порано островите го носеле државниот код на главниот интернет домен (ccTLD) „.um“; но истиот е укинат во јануари 2007.^[4]

Поимот „Мали оддалечени острови на САД“ е воведен во 1986 од страна на Меѓународната организација за стандардизација (ISO). Од 1974 до 1986, пет острови (Бејкеров, Хауленд, Џарвис, Палмирскиот Атол и Кингменовиот Гребен) имале збирен назив „Различни Тихоокеански Острови на САД“ (United States Miscellaneous Pacific Islands), со ISO 3166-код PU. Мидвејскиот Атол го носел кодот MI, Џонстоновиот Атол имал код JT, а оној на Вејк гласел WK.

Тихоокеанските острови се окружени со големи исклучителни економски зони.

Острови

Атол/Остров	Зејишна површина км²	Лагуна км²	Местоположба	Основан резерват	Стекнат
Северен Тихи Океан, расејани изолирани острови
ВејкА	7,4	6	19°18′N 166°38′E	2009[5][6]	1899
Џонстонов АтолБ	2,52	130	16°45′N 169°31′W	1926[7]	1859
Северен Тихи Океан, Северозападни Хавајски Острови
Мидвејски Атол	5,18	40	28°13′N 177°22′W	1996 [8]	1867
Централен Тихи Океан, Северни Линиски Острови
Кингменов Гребен	0,01	76	6°24′N 162°24′W	2001[9]	1860
Палмирски АтолБ	6,56	15	5°53′N 162°05′W	2001[10]	1912
Централен Тихи Океан, Централни Линиски Острови
Џарвис	4,45	-	0°22′S 160°01′W	1974[3]	1856
Централен Тихи Океан, Северни острови Феникс
Бејкеров Остров	1,24	-	0°12′N 176°29′W	1974[2]	1856
Хауленд	1,62	-	0°48′N 176°37′W	1974[2]	1856
Карипско Море
НавасаВ	5,2	-	18°24′N 75°01′W	1999[11]	1858
Бахо НуевоГ	0,02	155	15°53′N 78°38′W	Н/П	1869
СераниљаГ	0,02	1200	15°50′N 79°50′W	Н/П	1879 1880
Вкупно	34,2	267
А Полагаат право Маршалските Острови Б Полагале право Хаваите кога биле независна држава. Палмира им припаѓала на Хаваите сè до 1959. ВПолага право Хаити Г За овие острови постои спор со Колумбија, Јамајка и Никарагва, и затоа не се вклучени во списокот на територии на ISO; нивните површини не се вброени во вкупниот износ.

Поврзано

• Островски територии на САД
• Британски прекуморски територии
• Зависна територија