Мало Рувци

Мало Рувци — село во областа Пелагонија, во Општина Прилеп, во околината на градот Прилеп.

Мало Рувци
Мало Рувци Местоположба на Мало Рувци во Македонија Мало Рувци на карта
Координати 41°15′42″N 21°30′57″E
Општина	Прилеп
Население	2 жит. (поп. 2021)[1]
Шифра на КО	20068
Надм. вис.	734 м
Мало Рувци на општинската карта Атарот на Мало Рувци во рамките на општината
Мало Рувци на Ризницата

Географија и местоположба

Селото лежи на граница на брдско земјиште на југ и рамно земјиште на север, низ него минува делницата Прилеп - Битола. Околни населби се Штавица, Алинци, Чумово и Шелеверци. Во Мало Рувци постојат две послаби чешми и неколку бунари. Потезите во селото се викаат : Штавички пат, Голема нива, Лозја, Комарчани, Мечоец, Цуцулина, Голема ливада, и Барутчица. Селото е од збиен тип . Група куќи се викаат по главните родови – Чакмаковци, Карбевци, Бошовци итн. Мало Рувци имало вкупно 49 домаќинства (1955 г. )^[2] и една црква.

Историја

Над селото во лозјата е местото Барутчица. Таму селаните орале гробови за кои не се знае од кој век се. На поедини гробови порано постоеле камени плочи. Во Мало Рувци има црква на Св. Спас, изградена пред околу 65 години. До тогаш тука постоела стара проста црква. Селската слава е на Спасовден. Покрај црквата се селските гробишта. Во ова село живеат доселени македонски родови. Најпрво се анселиле Џајковци и Мустревци, во првата половина на XIX век. За време на Турците сите жители биле „ортаци и момоци“ на читлуците. Годината 1912 селото имало 12 македонски куќи и 12 турски читлуци. Газдите на читлуците живееле во Битола. Само еден живеел во Прилеп. После 1912 г. секое домаќинство ја купило земјата на оној читлук на кој работело. Затоа измеѓу двете светск ивојни секој од селаните имамл доста своја земја. Меѓутоа од пед неколку години „баш полето“ го зело државното добро „Мирче Ацев“. Бројот на домаќинства во селото изнесувал: 1921 г. – 17, 1948 г. – 42, 1961 г. – 52, 1971 г. – 53.^[2]

Население

Население во минатото

Година Нас. ±% 1948 332 —     1953 372 +12.0% 1961 299 −19.6% 1971 250 −16.4% 1981 68 −72.8%	Година Нас. ±% 1991 26 −61.8% 1994 27 +3.8% 2002 22 −18.5% 2021 2 −90.9%

Според статистиката на Васил К’нчов („Македонија, Етнографија и статистика“) од 1900 година, во Мало Рувци живееле 220 жители, сите Македонци.^[3] Според податоците на секретарот на егзархијата Димитар Мишев („La Macédoine et sa Population Chrétienne“) во 1905 година во селото живееле 160 Македонци, под врховенството на Бугарската егзархија.^[4]

Според германска карта издадена во 1941 година, а заснована на пописот на Кралството Југославија од 1931 година, селото имало 250 Македонци.^[5]

Според пописот од 2002 година, селото Мало Рувци има 22 жители, сите Македонци.^[2][6]

Според последниот попис од 2021 година, во селото живееле 2 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	220	160	332	372	299	250	68	26	27	22	2

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Мало Рувци е македонско село.

Според истражувањата од 1955 година, родови во селото се:

• Доселеници: Мустревци (4 к.) доселени се од селото Добрушево во Битолско; Чакмаковци (7 к.) доселени се од селото Штавица; Марковци (3 к.) и Мицеви (7 к.) доселени се од селото Марул. И таму биле доселени однекаде; Карбевци (6 к.) доселени се од селото Ерековци; Бошевци (5 к.) потекнуваат од Кадино Село. Од таму се иселиле во селото Алинци, па потоа прешле во Мало Рувци; Ѓураковци (3 к.) и Мечовци (2 к.) доселени се во 1949 година од селото Тушин во воденско; Џајковци (3 к.), Широковци (3 к.), Пажевци (4 к.) и Кузмановци (2 к.) доселени се, но не знаат точно од каде.^[2]

Самоуправа и политика

Избирачко место

Во селото постои избирачкото место бр. 1436 според Државната изборна комисија, сместени во просториите на приватна куќа.^[11]

На претседателските избори во 2019 година, на ова избирачко место биле запишани вкупно 4 гласачи.^[12]

Личности

• Наум Николов Пажески — македонски револуционер.^[13]

Иселеништво

Од денешниот род Мустревци, има иселеници во соседно Чумово. Таму се викаат Батковци (6к.) Дурлевци се иселиле во Волково (13к.). Други иселеници од родот Чакмаковци живеат во Скопје.^[2]