Шелеверци

Шелеверци — село во Општина Прилеп, во околината на градот Прилеп.

Шелеверци
Шелеверци Местоположба на Шелеверци во Македонија Шелеверци на карта
Координати 41°14′26″N 21°28′54″E
Општина	Прилеп
Население	6 жит. (поп. 2021)[1]
Шифра на КО	20112
Шелеверци на општинската карта Атарот на Шелеверци во рамките на општината
Шелеверци на Ризницата

Географија и местоположба

Селото е сместено во областа Пелагонија, на околу 19 километри јужно од Прилеп. До 2004 година беше дел од Општина Тополчани.

Историја

Во XIX век, Шелеверци било село во Прилепската каза на Отоманското Царство.

Според статистиката на Васил К’нчов („Македонија, Етнографија и статистика“) од 1900 година, во Шелеверци живееле 66 жители, сите Македонци.^[2]

Според секретарот на Бугарската егзархија Димитар Мишев, во 1905 година во Шелеверци имало 80 Македонци, патријаршисти.^[3]

На Етнографската карта на Битолскиот Вилает од 1901 г. Шелеверци е претставено како чисто македонско село во Прилепската каза на Битолскиот санџак со 10 куќи.^[4]

Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци.^[5]

Население

Население во минатото

Година Нас. ±% 1948 130 —     1953 124 −4.6% 1961 137 +10.5% 1971 137 +0.0% 1981 81 −40.9%	Година Нас. ±% 1991 44 −45.7% 1994 33 −25.0% 2002 21 −36.4% 2021 6 −71.4%

Според пописот од 2002 година, во Шелеверци живееле 21 жител, сите Македонци.^[6]

Според последниот попис од 2021 година, во селото живееле 6 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	66	80	130	124	137	137	81	44	33	21	6

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Родови

Шелеверци е македонско православно село, сите родови во селото се доселенички, повеќето родови не знаат од каде се доселени.

Родови во Шелеверци се:

• Доселеници: Ацевци (3 к.), Јанкуловци (2 к.), Јаричевци (1 к.) и Мишевци (1 к.) доселени се однекаде; Кузмановци (8 к.) и Вршковци (2 к.) потекнуваат од некое место во Преспа. Од Преспа најпрво се населиле во селото Мало Рувци. Потоа се преселиле во селото Шелеверци. Имаат роднини во селото Ерековци; Николовци (1 к.) потекнуваат од домазет кој дошол од Беровци; Мариовци (1 к.) доселени се од мариовското село Гуѓаково.^[11]

Самоуправа и политика

Селото влегува во рамките на Општина Прилеп, која била проширена при новата територијална поделба на Македонија во 2004 година.

Во периодот од 1996-2004 година, селото било дел од некогашната Општина Тополчани.

Во периодот од 1965-1996 година, селото било сместено во големата општина Прилеп.

Во периодот од 1955-1965 година, селото било дел од тогашната општина Тополчани, во која селото Шелеверци, се наоѓале селата Алинци (Битолско), Алинци (Прилепско), Бонче, Вашарејца, Веселчани, Горно Чарлија, Долно Чарлија, Добрушево, Древеник, Ерековци, Загорани, Ивањевци, Канатларци, Клепач, Лопатица, Лознани, Марул, Мојно, Мусинци, Ношпал, Новоселани, Подино, Подмол, Свети Тодори, Тополчани, Тројкрсти, Трновци и Чепигово.

Во периодот од 1952-1955 година, селото било дел од тогашната општина Канатларци, во која селото Шелеверци, се наоѓале селата Бонче, Ерековци, Канатларци, Лопатица, Марул и Подмол.

Избирачко место

Во селото постои избирачкото место бр. 1498 според Државната изборна комисија, сместени во просториите на приватна куќа.^[12]

На претседателските избори во 2019 година, на ова избирачко место биле запишани вкупно 8 гласачи.^[13]

Поврзано

• Клекоперци — историско село во близина на Шелеверци, опустошено за време на Мариовско-прилепската буна од 1564-65 г.