Мал Радобил

Мал Радобил или Мало Радобил^[2] — село во областа Раец, во Општина Прилеп, на патот помеѓу градовите Кавадарци и Прилеп. Денес нема жители.

Мал Радобил
Куќи во селото Мал Радобил
Мал Радобил Местоположба на Мал Радобил во Македонија Мал Радобил на карта
Координати 41°22′22″N 21°47′54″E
Регион	Пелагониски
Општина	Прилеп
Област	Раец
Население	0 жит. (поп. 2021)[1]
Пошт. бр.	7500
Повик. бр.	048
Шифра на КО	20067
Надм. вис.	620 м
Мал Радобил на општинската карта Атарот на Мал Радобил во рамките на општината
Мал Радобил на Ризницата

Географија и местоположба

Голем Радобил се наоѓа во североисточниот дел на Општина Прилеп, во горното сливно подрачје на реката Раец, во близина на превојот Плетвар. Селото е рамнинско и се наоѓа на надморска височина од 620 м. Од градот Прилеп е оддалечено 27 км. Неговиот атар зафаќа површина од 8,2 км².^[3] Се наоѓа од десната страна на регионалниот пат Прилеп-Кавадарци.

Историја

Во XIX век, селото било дел од Тиквешката каза на Отоманското Царство.

1917 година. Германски војници сликани со семејството на свештеникот од Мал Радобил

Во 1908 година, селото било опишано како слободно христијанско село со 120 куќи, а било споменато и како едно од најбогатите села во Тиквеш.^[4]

Стопанство

Селото има полјоделско-сточарска функција. Во рамки на селскиот атар преовладуваат пасиштата на површина од 461 ха, обработливото земјиште зафаќа површина од 177 ха, а на шуми отпаѓа 171 ха.^[3]

Население

Население во минатото

Година Нас. ±% 1948 152 —     1953 123 −19.1% 1961 115 −6.5% 1971 63 −45.2% 1981 31 −50.8%	Година Нас. ±% 1991 20 −35.5% 1994 23 +15.0% 2002 10 −56.5% 2021 0 −100.0%

Во делото „Етнографија на вилаетите Адријанопол, Монастир и Салоника“ се вели дека во 1873 г. Мало Радобил било село во Прилепската каза со 25 домаќинства и 123 жители.^[2]

Според статистиката на Васил К’нчов („Македонија, Етнографија и статистика“) од 1900 година, во Голем Радобил имало 168 жители.^[5] По податоците на секретарот на Бугарската егзархија Димитар Мишев („La Macédoine et sa Population Chrétienne“), во 1905 година во селото имало 160 жители.^[6]

Според германска карта издадена во 1941 година, а заснована на пописот на Кралството Југославија од 1931 година, селото имало 150 Македонци.^[7]

Селото броело 115 жители во 1961 година, додека во 1994 година во селото живееле 23 жители.

Според пописот од 2002 година, во селото живееле 10 жители, сите Македонци.^[8] Од нив 5 биле мажи, а 5 жени.

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	168	160	152	123	115	63	31	20	23	10	0

Извор за 1900 г.: Македонија. Етнографија и статистика.^[9]; за 1905 г.: La Macédoine et sa Population Chrétienne.^[10]; за 1948-2002 г.: Државен завод за статистика на РМ.^[11]; за 2021 г.: Државен завод за статистика на РМ.^[12]

Самоуправа и политика

Селото влегува во рамките на Општина Прилеп од 1962 година. Претходно, во периодот од 1950 до 1952 година, тоа било дел од Прилепската околија; во периодот од 1952 до 1955 година било дел од Општина Тројаци; а во периодот од 1955 до 1962 година, селото влегувало во склоп на Општина Плетвар.

Избирачко место

Во селото се наоѓа избирачкото место бр. 1428 кое е сместено во приватна куќа.^[13]

Во вториот круг на претседателските избори во 2019 година, на ова избирачко место бил запишан 1 гласач.^[14]

Културни и природни знаменитости

Археолошки наоѓалишта^[15]

• Селска Црква — осамен наод од римско време.

Цркви

• Црква „Рождество на Пресвета Богородица“ — главна селска црква изградена во 1913 година.^[16]

Реки

• Раец.^[17]

Галерија

• 
  Куќи во селото
• 
  Селска чешма