Маркус Рашфорд

Маркус Рашфорд (роден на 31 октомври 1997 година, во Манчестер) — англиски фудбалер, напаѓач на Манчестер Јунајтед и на англиската репрезентација.

Маркус Рашфорд
Лични податоци
Полно име	Маркус Рашфорд[1]
Роден на	31 октомври 1997(1997-10-31) (27 г.)[2]
Роден во	Манчестер, Англија
Држава	Англија
Висина	&100000000000001800000001,80 м[3]
Позиција	напаѓач
Клупски податоци
Сегашен клуб	Астон Вила
Број	9
Младинска кариера
2005–2015	Манчестер Јунајтед
Кариера*
Години	Клуб	Наст.	(Гол.)
2015–	Манчестер Јунајтед	287	(87)
2025–	→ Астон Вила	10	(2)
Репрезентација
2012	Англија 16	2	(0)
2014	Англија 18	2	(0)
2016	Англија 20	2	(0)
2016	Англија 21	1	(3)
2016–	Англија	62	(15)

Рашфорд ја започнал својата кариера во Манчестер Јунајтед доаѓајќи во клубот на седумгодишна возраст, а своето деби за првиот тим го направил во февруари 2016 година, постигнувајќи притоа два гола во победата со 5-1 над Митјиланд во УЕФА Лига Европа. Три дена подоцна, тој дебитирал со гол и во Премиер лигата во натпреварот против Арсенал. Во досегашната кариера со Јунајтед, Рашфорд ги освоил ФА Купот, Лига купот, ФА Комјунити Шилд и УЕФА Лигата на Европа.

Рашфорд постигна гол на своето деби за Англија во мај 2016 година, станувајќи најмладиот играч кој постигнал гол во својот прв репрезентативен настап за сениорската репрезентација на оваа земја. Оттогаш тој настапил на две Европски првенства; во 2016, каде што бил најмладиот играч учесник на турнирот, и 2020, каде што настапил и во финалето во кое Англија загубила на пенали од Италија. Тој, исто така, ја претставувал својата земја и на две Светски првенства во 2018 и 2022 година, постигнувајќи досега вкупно три гола на Мундијалите (сите на вториот).

Биографија

Маркус Рашфорд^[4] е роден на 31 октомври 1997 година,^[5] во Манчестер, каде што и израснал.^[6][7] Тој има јамајканско потекло по својот татко^[8] додека неговата мајка е од Свети Китс и Невис.^[9]

Рашфорд потекнува од семејство од работничка класа; неговата мајка Мелани Мејнард, е самохран родител која често морала да работи на повеќе работни места за да го прехрани своето семејство.^[10][11][12] Тој има четири постари браќа и сестри; двајцата браќа, Двејн Мејнард и Дејн Рашфорд, и двајцата професионално го застапувале,^[13] и две сестри Шантел и Клер.^[12][14] Маркус, исто така, му е братучед на колегата фудбалер Лоис Мејнард, кој моментално игра за Олдам Атлетик како играч од средниот ред.

Отсекогаш навивач на неговиот локален фудбалски клуб Манчестер Јунајтед, Рашфорд израснал во семејство поделено меѓу навивачи на Јунајтед и на нивните градски ривали, Манчестер Сити.^[15]

Титули

Клупски

Манчестер Јунајтед

• ФА Куп : 1

2015-2016

• Лига куп : 1

2016-2017

• ФА Комјунити Шилд : 1

2016

• Лига Европа : 1

2016-2017

Поединечни

• Тим на сезоната на УЕФА Лига Европа: 1

2019-2020

• The Guardian Фудбалер на годината: 2020