Мајадаг

Мајадаг (грчки: Φανός, Фанос, до 1926 година Μαγιαδάγ, Мајадаг^[2]; турски: Mаyаdаğ, Мајадаг) — село во Кукушко, Егејска Македонија, денес во општината Пајонија на област Централна Македонија, Грција. Населението брои 95 жители (2021).

Мајадаг Φανός
Џамија во Мајадаг во XX век
Мајадаг
Координати: 41°07′N 22°47′E
Земја	Грција
Област	Централна Македонија
Округ	Кукуш
Општина	Пајонија
Општ. единица	Бојмица
Надм. вис.	&10000000000000294000000294 м
Население (2021)[1]
• Вкупно	95
Час. појас	EET (UTC+2)
• Лето (ЛСВ)	EEST (UTC+3)

Географија

Селото е сместено во североисточните падини на планината Пајак на 14 километри северно од градот Бојмица (Аксиуполи).

Историја

Плоштадот во Мајадаг, во Првата светска војна

Во XIX век Мајадаг е големо турско село во казата Аврет Хисар (Кукуш) на Отоманското Царство. Во „Етнографија на Адријанопол, Монастир и Салоника“ се вели дека во 1873 г. Маада (Mааdа) е населба во казата Аврет Хисар (Кукуш) со 600 домаќинства, како и тоа дека жителите се 1.496 муслимани.^[3] Според статистиката на Васил К’нчов („Македония. Етнография и статистика“) во 1900 година Мајадаг е село во гевгелиската каза со 3.200 жители Турци.^[4]

Во 1913 година селото влегува во рамките на Грција. Населението се иселува во Турција и на негово место се населени Грци бегалци. Во 1926 година селото е преименувано во Фанос.^[5] Во 1928 година целото село е бегалско со 146 семејства и 582 жители бегалци.^[6]