Израснал во средно имотно земјоделско и сточарско семејство. По завршувањето на основното четиригодишно училиште во родното место, имајќи доволно добиток, се определил да се занимава со сточарство. За време на окупацијата, тој бил мобилизиран да служи во бугарската војска. На 28 август 1944 година, тој дезертирал и се приклучил во редовите на Народноослободителната војска на Македонија, во состав на 42. дивизија - извидничка чета. Учествувал во борбите за ослободување на Куманово, Скопје, Гнилане и други места. Неговата единица била вклучена во состав на Петнаесеттиот корпус, со кој заминал на Сремскиот фронт. Како извидник крај Шид, длабоко навлегол во заднината на непријателот, прибирал податоци и незабележано се повлекувал. При ослободувањето на Винковци, на 12 април 1945 година, бил смртно погоден од топовска граната.^[1]

Животопис

Поврзано

Наводи