Мирослав Спироски

Мирослав Спироски (10 септември 1949, Србјани, Кичевско - 12 декември 2014, Скопје) — македонски новинар и публицист. Започнал со првите вести објавени на Радио Кичево (1968-1969), и набргу станал дописник на МРТВ, а повремено соработува и со „Млад Борец“, „Студентски збор“, „Просвета“, „Вечер“ и „Нова Македонија“.

Мирослав Спироски
Роден	10 септември 1949 Србјани, НР Македонија, ФНРЈ
Починал	12 декември 2014 Скопје, Македонија
Националност	Македонец
Народност	Македонец
Занимање	новинар и публицист

Животопис

Почнувајќи од февруари 1970 година станува соработник на „Нова Македонија“, каде кариерата ја започнал во скопската рубрика.

Во текот на сите овие години, Спироски во новинарството објавил околу 24.000 аналитички статии, коментари, осврти, репортажи и други текстови. Бил и ментор на студенти на Катедрата по новинарство.

Во последните години од неговиот живот, Спироски бил самостоен аналитички публицист. Повремено пишувал и книжевни стории. Спироски бил член на Обединети за Македонија, член на претседателство на оваа партија и близок соработник на Љубе Бошкоски. По кратко и тешко боледување, тој починал на 65 годишна возраст во Скопје. Погребан е на градските гробишта во Бутел.^[1]

Библиографија

• „Лидија - невестата на светлината“ - монодрама, поставена во Кумановскиот театар^[2]
• „Борба за автокефалност“
• „Света македонска мисија“
• „Зад крстот“
• „Прегратката со вистината“
• „Летот на шаторските крила“

Награди

Во „Нова Македонија“ станува добитник на нејзините највисоки признанија: наградите за едногодишна дејност и за животно дело. Добитник е и на наградите „Крсте Мисирков“ за новинарство, и „Мито Хаџи Василев Јасмин“ за публицистика.^[3]