Небојани

Небојани — село во Општина Кочани, во областа Осоговија, во околината на градот Кочани.

Небојани
Поглед на Небојани
Небојани Местоположба на Небојани во Македонија Небојани на карта
Координати 42°03′35″N 22°27′32″E
Регион	Источен
Општина	Кочани
Област	Осоговија
Население	10 жит. (поп. 2021)[1]
Пошт. бр.	2300
Повик. бр.	033
Шифра на КО	13024
Надм. вис.	1.020-1.116 м
Небојани на општинската карта Атарот на Небојани во рамките на општината
Небојани на Ризницата

Географија и местоположба

Небојани се наоѓа на падините на Осоговските Планини. Селото е планинско и од разбиен тип, а неговите маала се издигаат на надморска височина од 1.020-1.116 м. Селскиот атар зафаќа површина од 25,1 км². Од Кочани е оддалечено 21 км.^[2]

Некои од маалата во селото се познати како: Мишино, Чеперник, Просија, Кацарица и Свињи Дол.

Историја

Со потпаѓањето на селото под српска власт во 1918 година, месното население било подложно на репресија. Според податоци на Иван Михајлов, во 1921 година е убиен Јордан Манасиев, а во 1923 година во затвор починале уште тројца жители како последица на измачувања. Во 1923 година, селото било запалено. Во текот на 1920-тите, многу жители на селото биле тепани од страна на српската полиција или од четниците.^[3]

Стопанство

Селото има мешовита земјоделска функција. Во рамките на неговиот атар преовладуваат шумите на површина од 1.034 ха, на пасиштата отпаѓаат 1.030 ха, а обработливото земјиште зазема површина од 238 ха.^[2]

Население

Куќи во маалото Просија

Население во минатото

Година Нас. ±% 1948 331 —     1953 353 +6.6% 1961 281 −20.4% 1971 269 −4.3% 1981 165 −38.7%	Година Нас. ±% 1991 99 −40.0% 1994 87 −12.1% 2002 46 −47.1% 2021 10 −78.3%

Според статистиката на Васил К’нчов („Македонија, Етнографија и статистика“) од 1900 година, во Небојани живееле 190 жители, сите Македонци.^[4] По податоци на егзархискиот секретар Димитар Мишев, („La Macédoine et sa Population Chrétienne“), во 1905 година во Небојани имало 144 Македонци под врховенството на Бугарската егзархија.^[5]

Според германска карта издадена во 1941 година, а заснована на пописот на Кралството Југославија од 1931 година, селото имало 200 Македонци.^[6]

Според пописот од 2002 година, во селото Небојани живеат 46 жители, сите Македонци.^[7]

Според последниот попис од 2021 година, во селото живееле 10 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	190	144	331	353	281	269	165	99	87	46	10

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Општествени установи

Во селото има основно училиште во коешто повеќе не се одржува настава.

Самоуправа и политика

Селото влегува во рамките на Општина Кочани од 2004 година.

Во периодот 1996-2004, селото било дел од Општина Оризари.

Во периодот 1955-1996, селото било дел од Општина Кочани.

Во периодот 1952-1955, селото било дел од Општина Полаки.

Во XIX век, Небојани било дел од Кочанската каза на Отоманското Царство.

Избирачко место

Во селото постои избирачкото место бр. 897 според Државната изборна комисија, сместено во просториите на основното училиште.^[12]

На парламентарните избори во 2020 година, на ова избирачко место биле запишани вкупно 28 гласачи.^[13]

Културни и природни знаменитости

Археолошки наоѓалишта^[14]

• Селиште — населба од доцноантичко време.

Реки

• Бела Река.

Цркви

• Црква „Рождество на Пресвета Богородица“.

Галерија

• 
  Поглед на селото
• 
  Мишино (лево) и Небојани (десно)
• 
  Маалото Просија
• 
  Куќи во Просија
• 
  Стара куќа во Просија
• 
  Маалото Кацарица
• 
  Црквата „Рождество на Пресвета Богородица“

Поврзано

• Мишино
• Чеперник