Нигослав

Нигослав (грчки: Νικόκλεια, Никоклија, до 1926 г. Νικοσλάβη, Никослави^[2]) — село во Нигритско, Егејска Македонија, денес во општината Визалтија на Серскиот округ, Грција. Било населено со македонско мнозинство и турско малцинство. Дел од Македонците биле погрчени, поради што во некои извори ги претставуваат како Грци.

Нигослав Νικόκλεια
Нигослав
Местоположба во областа Нигослав Местоположба на Нигослав во Серскиот округ и областа Централна Македонија
Координати: 40°55.58′N 23°25.40′E
Земја	Грција
Област	Централна Македонија
Округ	Серски
Општина	Визалтија
Општ. единица	Визалтија
Надм. вис.	&1000000000000008000000080 м
Население (2021)[1]
• Вкупно	470
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа во Серското Поле, северозападно од градот Нигрита.

Историја

Антика и средновековие

На 4 км југозападно од Нигослав, на Богданска Планина се наоѓа античката и средновековна тврдина Хисар (Исар), која може да е античкиот град Алор.^[3]

Во Отоманското Царство

Во XIX и почетокот на XX век Нигослав било село во Серската каза. Во 1835 г. е изградена црквата „Св. Димитриј“.^[4]

Во „Етнографија на вилаетите Адријанопол, Монастир и Салоника“ се вели дека во 1873 г. Нигослав (Nigoslav) има 60 домакинства с 128 жители „Грци“ и 40 муслимани.^[5] Во 1889 г. Стефан Верковиќ („Топографическо-этнографическій очеркъ Македоніи“) напишал за Нигослав:

„

Нигослав е мешано село; една црква, една џамија; христијаните се Грци, муслиманите — Турци Коњари; оддалечен на 2 часа од Нигрита.[6]

“

Во 1891 г. Георги Стрезов напишал за селото:

„

Негослав, населено от турци и гърци, 4 часа на ЮЗ от Сяр, 1 час от Чупришта. Патот е рамен и добар лете; зиме не чини. Негослав е сместен во пазувите на планината; ги произведува сите лебни растенија и секакви овоштија, кои се распродаваат по Сер и Солун. Грчка црква; 20 куќи Турци; 25 Грци и 20 Македонци.[7][8]

“

Според Васил К’нчов („Македонија. Етнографија и статистика“) на почетокот на XX век Њагослав имал 130 Македонци христијани, 120 Турци и 200 Грци.^[9]

По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Никослав (Nikoslav) живееле 425 „Грци“.^[10]

Во Грција

По Балканските војни во 1913 г. селото е припоено кон Грција согласно Букурешкиот договор. Таа година населението броело 459 жители, а во 1920 г. тие пораснале на 554 лица.^[11] Во 1926 г. селото е преименувано во Никоклија. Во 1923 г. турското население е иселено во Турција по сила на Лозанскиот договор. На нивно место во се доведени грчки колонисти. На пописот од 1928 г. Нигослав е претставен како мешано мештанско-дојденско село со вкупно 839 жители, од кои 84 дојденци (20 семејства), а останатите староседелци.^[12]

Месности во Нигослав преименувани со службен указ на 6 јули 1968 г.

Име	Грчки	Ново име	Грчки	Опис
Саиш[13]	Σάης	Пидима	Πήδημα[14]	возвишение на Богданска Планина на ЈЗ од Нигослав (515 м)[13]
Коџа Каран[13]	Κοτζά Καράνι	Дохион	Δοχεΐον[14]	возвишение на Богданска Планина на ЈЗ од Нигослав[13]
Була[13]	Μπούλα	Пигес	Πηγές[14]	возвишение на Богданска Планина на Ј од Нигослав (238,6 м)[13]
Баракова[13]	Μπαράκοβα,[15] Μπράκοβα	Пардалон	Παρδαλλόν[14]	возвишение на Богданска Планина на ЈЈЗ од Нигослав[13]
Бекератика[13]	Μπεκεράθηκα	Амбелонес	Άμπελώνες[14]	месност на ЈИ од Нигослав и на СЗ од Черпишта[13]
Кара Таш[13]	Καρά Τάς	Маври Петра	Μαύρη Πέτρα[14]	возвишение на Богданска Планина на ЈЗ од Нигослав (776,3 м)[13]
Чиплаци[13]	Τσιπλάκια	Гимни Корифи	Γυμνή Κορυφή[14]	возвишение на Богданска Планина на З од Нигослав[13]
Харијат[13]	Χαριάτ	Портес	Πόρτες[14]	возвишение на Богданска Планина на ЈЗ од Нигослав (414 м)[13]
Љаска[13]	Λιάσκα	Фундукија	Φουντουκιά[14]	возвишение на Богданска Планина на ЈЈЗ од Нигослав (356 м)[13]
Чучура[13]	Τσούτσουρας	Ризомата	Ριζώματα[14]	месност на ЈЗ од Нигослав[13]

Население

Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	1.024	927	1.167	1.293	1.053	611	816	737	470

Извор за 1940-1991 г.: Т. Симовски, Населените места во Егејска Македонија

Општествени установи

• Хисар — тврдина од антиката и средниот век
• Црква „Св. Димитриј“ од 1835 г.