Нова Костараџа

Нова Костараџа (грчки: Νέο Κωσταράζι, Нео Костарази) — село во Костурско, Егејска Македонија, денес во општината Рупишта на Костурскиот округ во Западна Македонија, Грција. Населението брои 609 жители (2021).

Нова Костараџа Νέο Κωσταράζι
Поглед на Нова Костараџа
Нова Костараџа
Местоположба во областа Нова Костараџа Местоположба на Нова Костараџа во општината Рупишта и областа Западна Македонија
Координати: 40°26.9′N 21°19.51′E
Земја	Грција
Област	Западна Македонија
Округ	Костур
Општина	Рупишта
Надм. вис.	&10000000000000720000000720 м
Население (2021)[1]
• Вкупно	609
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓа на 20 км јужно од градот Костур и на 5 км северно од с. Богатско. Лежи на левиот брег на реката Ѓоле, во западното подножје на планината Саракина. На 4 км на запад горе на Саракина се наоѓаат урнатините на старото село Костараџа, од кое останала само црквата „Рождество на пресв. Богородица“.

Историја

За време на Граѓанската војна (1946 - 1949) старото село Костараџа тешко настрадало и неговите жители се расеале по градските центри и рамничарските села. Подоцна ова население е преместено во Нова Костараџа доста пониско.^[2]

Во 1997 г. влегло во состав на општината Јон Драгумис, која на 1 јануари 2011 г. е припоена кон општината Рупишта согласно законот „Каликратис“.^[3]

Стопанство

Селото произведува жито, тутун и грав. На пространите пасишта има доста добиток.^[2] Атарот зафаќа површина од 2202 хектари.

Население

Преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население		941	1128	927	955	949	874	742	609

Извор за 1940-1991 г.: Т. Симовски, Населените места во Егејска Македонија