Општина Јосифово

Месен народен одбор Јосифово ― поранешна општина во Македонија, која постоела во периодот 1945-1952 година.

Месен народен одбор Јосифово
Општина на ДФ/НР Македонија, ДФЈ/ФНРЈ
1945–1952 →
Главен град/седиште		Јосифово
Составни делови		Ајранли (1945-1952), Вејсели (1945-1952), Јосифово (1945-1952), Плавуш (1950-1952), Терзели (1945-1952)
Историја
-	Основање на МНО Јосифово	1945
-	Укинување на МНО Јосифово	1952
Население
-	1948	1,101 жит.
Управни единици		Држава: ДФЈ/ФНРЈ Република: ДФ/НР Македонија Округ: Штипски (1945), Велешки (1945-1947) Околија: Валандовска (1945-1947), Гевгелиска (1947-1952)
Денес во		Општина Валандово

Историја

Месниот народен одбор Јосифово бил основан во 1945 година. Тој бил дел од Валандовска Околија, првично во Штипскиот Округ, а истата 1945 година, околијата со општината биле преместени во Велешкиот Округ, и негови составни населени места биле Ајранли, Вејсели, Јосифово и Терзели.^[1] Во 1947 година, според новата административна поделба, месниот одбор останал територијално непроменет и бил префрлен во Гевгелиската Околија.^[2] Во 1950 година, според новата административна поделба, Месниот народен одбор Јосифово бил проширен на сметка на соседниот и укинат Месен народен одбор Плавуш.^[3] Согласно административната поделба од 1952 година, МНО Јосифово бил укинат на сметка на соседната и проширена Општина Удово.^[4]

Население

Според пописот од 1948 година, Месен народен одбор Јосифово имал 1,101 жител, односно вкупното население на Ајранли, Вејсели, Јосифово и Терзели.

Следува табела според народностите во пописот од 1948 година:^[5]

Народност	Вкупно
Македонци	501
Албанци	1
Турци	236
Срби	262
Црногорци	64
Останати и непознато	37

Поврзано

• Список на општини во Македонија по население (1948)