Општина Маково

Општина Маково, именувана и како Месен народен одбор Маково ― поранешна општина во Македонија, која постоела во периодот 1913-1941 и 1945-1955 година.

Општина Маково (1913-1941, 1952-1955) Месен народен одбор Маково (1945-1952)
Општина на Кралство Србија / Царство Бугарија / Кралство СХС/Југославија / ДФ/НР Македонија, ДФЈ/ФНРЈ
1913–1955 →   →   →
Местоположба на Општина Маково Границите на Општина Маково во периодот 1952-1955
Главен град/седиште		Маково
Составни делови		Брник (1913-1941, 1950-1955), Ивени (1913-1941, 1950-1955), Маково (1913-1941, 1945-1955), Мојно (1913-1941, 1950-1955), Орле (1913-1941, 1945-1955), Путурус (1913-1941), Рапеш (1913-1941, 1945-1955) и Тимонија (1913-1915)
Историја
-	Основање на Општина Маково	1913
-	Основање на МНО Маково	1945
-	Укинување на Општина Маково	1955
Население
-	1913	1,556 жит.
-	1921	1,126
-	1931	1,462
-	1948	985
-	1953	1,865
Управни единици		Држава: Кралство Србија (1913-1915), Царство Бугарија (1915-1918), Кралство Југославија (1918-1941), ДФЈ/ФНРЈ (1945-1955) Република: ДФ/НР Македонија (1945-1955) Бановина: Вардарска (1929-1941) Покраина: Јужна Србија (1918-1922) Округ: Битолски (1913-1922, 1945-1947) Област: Битолска (1922-1929) Срез: Прилепски (1913-1915, 1918-1941) Околија: Прилепска (1915-1918), Мариовска (1945-1947), Битолска (1947-1955)
Денес во		Општина Могила, Општина Новаци

Историја

1913-1915

Општина Маково за прв пат била основана во 1913 година, за време на Кралството Србија. Населени места во општината биле Брник, Ивени, Маково, Мојно, Орле, Путурус, Рапеш и Тимонија. Општината била дел од Прилепскиот Срез, Битолски Округ.^[1]

1915-1918

Општина Маково продолжила да постои за време на Царството Бугарија, односно окупацијата во Првата светска војна. Општината територијално останала иста и била дел од Прилепската Околија, Битолски Округ.^[2]

Кралство СХС/Југославија

За време на новата држава Кралство СХС (подоцна под името Кралство Југославија), Општина Маково продолжила да постои во рамки на Прилепскиот Срез, и почнувајќи од 1929 година, во Вардарската Бановина. Таа се состоела од населените места: Брник, Ивени, Маково, Мојно, Орле, Путурус и Рапеш.^[3][4][5]

1945-1955

Месниот народен одбор Маково бил основан во 1945 година. Тој бил дел од Мариовската Околија, Битолски Округ, и негови составни населени места биле Маково, Рапеш и Орле.^[6] Во 1947 година, според новата административна поделба, Месниот народен одбор Маково не претрпел територијални промени. МНО Маково тогаш припаѓал во Битолската Околија.^[7] Во 1950 година, според новата административна поделба, Месниот народен одбор Маково бил проширен на сметка на укинатиот МНО Брник со селата Брник и Ивени, како и на сметка на укинатиот МНО Мусинци со селото Мојно.^[8] Согласно административната поделба од 1952 година, сега со називот, Општина Маково останала територијално непроменета.^[9] Согласно административната поделба од 1955 година, Општина Маково била укината, на сметка на новата Општина Мариово која ги добила селата Брник, Маково, Орле и Рапеш, на сметка на проширената Општина Новаци која го добила селото Ивени, како и на сметка на проширената Општина Тополчани која го добила селото Мојно.^[10]

Население

Според пописот од 1913 година, Општина Маково имала 1,556 жители, односно вкупното население на Брник, Ивени, Маково, Мојно, Орле, Путурус, Рапеш и Тимонија.^[1]

Според пописот од 1921 година, Општина Маково имала 1,126 жители. Според верската припадност, сите биле православни. Според јазичната припадност, сите биле Срби/Хрвати.^{[11][б 1]}

Според пописот од 1931 година, Општина Маково имала 1,462 жители, од кои 744 биле мажи, а 688 биле жени. Општината се состоела од 264 куќи и 2646 домаќинства.^[12]

Според пописот од 1948 година, Месен народен одбор Маково имал 985 жители, односно вкупното население на Маково, Орле и Рапеш. Од таа бројка, сите биле Македонци.^[13]

Според пописот од 1953 година, Општина Маково имала 1,865 жители, односно вкупното население на Брник, Ивени, Маково, Мојно, Орле и Рапеш. Од таа бројка, 1,863 биле Македонци, додека 2 биле Срби.^[14][15]

Следува табела по населени места:^[16]

Население и домаќинства во 1953

Населено место	Домаќинства	Жители
Брник	40	228
Ивени	53	321
Маково	77	455
Мојно	30	209
Орле	27	224
Рапеш	74	428
Вкупно	301	1.865

Следува табела по пол и возраст:^[17]

Пол	Вкупно	Вкупно население по возраст
		0-4	5-9	10-14	15-19	20-24	25-29	30-34	35-39	40-44	45-49	50-54	55-59	60-64	над 65	непознато
вк.	1.865	301	167	195	220	194	169	123	48	73	68	71	77	66	91	2
м.	978	145	88	106	120	100	78	64	26	39	32	41	44	36	57	2
ж.	887	156	79	89	100	94	91	59	22	34	36	30	33	30	34	-

Поврзано

• Список на населени места во Вардарска Македонија по општина (1913-1915)
• Список на општини во Вардарска Бановина по население (1931)
• Список на општини во Македонија по население (1948)
• Список на општини во Македонија по население (1953)

Забелешки

1. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.