Општина Пелинце

Општина Пелинце, именувана и како Месен народен одбор Пелинце ― поранешна општина во Македонија, која постоела во периодот 1913-1915, меѓувоениот период и 1945-1952 година.

Општина Пелинце (1913-1915, 1918-1941) Месен народен одбор Пелинце (1945-1952)
Општина на Кралство Србија / Кралство СХС/Југославија / ДФ/НР Македонија, ДФЈ/ФНРЈ
1913–1952 →
Главен град/седиште		Пелинце
Составни делови		Алгуња (1913-1915, 1918-1941), Враготурце (1913-1915, 1918-1941, 1945-1952), Врачевце (1913-1915), Карловце (1913-1915, 1918-1941), Љаник (1913-1915, 1918-1941), Орваница (1913-1915, 1918-1941), Пелинце (1913-1915, 1918-1941, 1945-1952), Свињиште (1913-1915, 1918-1941), Себрат (1913-1915, 1918-1941) и Узово (1913-1915, 1918-1941)
Историја
-	Основање на Општина Пелинце	1913
-	Основање на МНО Пелинце	1945
-	Укинување на МНО Пелинце	1952
Население
-	1913	1,508 жит.
-	1921	1,627
-	1931	1,874
-	1948	906
Управни единици		Држава: Кралство Србија (1913-1915), Кралство Југославија (1918-1941), ДФЈ/ФНРЈ (1945-1952) Република: ДФ/НР Македонија (1945-1952) Бановина: Вардарска (1929-1941) Покраина: Јужна Србија (1918-1922) Округ: Кумановски (1913-1915, 1918-1922), Скопски (1945-1947) Област: Скопска (1922-1929) Срез: Жеглиговски (1913-1915, 1918-1941) Околија: Козјачка (1945-1947), Кумановска (1947-1952)
Денес во		Општина Старо Нагоричане, Општина Прешево

Историја

1913-1915

Општина Пелинце за прв пат била основана во 1913 година, за време на Кралството Србија. Населени места во општината биле Алгуња, Враготурце, Врачевце, Карловце, Љаник, Орваница, Пелинце, Свињиште, Себрат и Узово. Општината била дел од Жеглиговскиот Срез, Кумановски Округ.^[1]

Кралство СХС/Југославија

За време на новата држава Кралство СХС (подоцна под името Кралство Југославија), Општина Пелинце продолжила да постои во рамки на Жеглиговскиот Срез, и почнувајќи од 1929 година, во Вардарската Бановина. Таа се состоела од населените места: Алгуња, Враготурце, Карловце, Љаник, Орваница, Пелинце, Свињиште, Себрат и Узово.^[2][3][4]

1945-1952

Месниот народен одбор Пелинце бил основан во 1945 година. Тој бил дел од Козјачката Околија, Скопски Округ, и негови составни населени места биле Враготурце и Пелинце.^[5] Во 1947 година, според новата административна поделба, Месниот народен одбор Пелинце не претрпел територијално промени. Истовремено, МНО Орах припаднал под проширената Кумановска Околија.^[6] Во 1950 година, според новата административна поделба, Месниот народен одбор Пелинце останал територијално непроменет.^[7] Согласно административната поделба од 1952 година, МНО Пелинце бил укинат на сметка на соседната и проширена Општина Жегљане.^[8]

Население

Според пописот од 1913 година, Општина Пелинце имала 1,508 жители, односно вкупното население на Алгуња, Враготурце, Врачевце, Карловце, Љаник, Орваница, Пелинце, Свињиште, Себрат и Узово.^[1]

Според пописот од 1921 година, Општина Пелинце имала 1,624 жители. Според верската припадност, 1,596 биле православни, додека 36 биле муслимани. Според јазичната припадност, 1,572 биле Срби/Хрвати, 16 биле Власи, додека 36 припаднале во графата „останати и непознато“.^{[9][б 1]}

Според пописот од 1931 година, Општина Пелинце имала 1,874 жители, од кои 945 биле мажи, а 929 биле жени. Општината се состоела од 258 куќи и 261 домаќинствo.^[10]

Според пописот од 1948 година, Месен народен одбор Пелинце имал 906 жители, односно вкупното население на Враготурце и Пелинце. Од таа бројка, 843 биле Македонци, 46 биле Срби, 16 биле Турци, додека 1 бил Ром.^[11]

Поврзано

• Список на населени места во Вардарска Македонија по општина (1913-1915)
• Список на општини во Вардарска Бановина по население (1931)
• Список на општини во Македонија по население (1948)

Забелешки

1. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.