Општина Фурка

Општина Удово, именувана и како Месен народен одбор Удово ― поранешна општина во Македонија, која постоела во 1913-1915, меѓувоениот период и 1945-1955 година.

Општина Фурка (1913-1915) Месен народен одбор Фурка (1945-1950)
Општина на Кралство Србија / Кралство СХС/Југославија / ДФ/НР Македонија, ДФЈ/ФНРЈ
1913–1950 →
Главен град/седиште		Фурка
Составни делови		Асанли (1913-1915), Воловец (1913-1915), Ѓопчели (1913-1915), Караулари (1913-1915), Крастали (1913-1915), Пазарли (1913-1915), Фурка (1913-1915, 1945-1950), Црничани (1913-1915), Чаушли (1913-1915)
Историја
-	Основање на Општина Фурка	1913
-	Основање на МНО Фурка	1945
-	Укинување на МНО Фурка	1950
Население
-	1921	1,466 жит.
-	1948	647
Управни единици		Држава: Кралство Србија (1913-1915), Кралство Југославија, ДФЈ/ФНРЈ (1945-1950) Република: ДФ/НР Македонија (1945-1950) Бановина: Вардарска Округ: Тиквешки (1913-1915), Штипски (1945), Велешки (1945-1947) Срез: Дојрански (1913-1915) Околија: Валандовска (1945-1947), Гевгелиска (1947-1950)
Денес во		Општина Дојран, Општина Пајонија

Историја

1913-1915

Општина Фурка за прв пат била основана во 1913 година, за време на Кралството Србија. Населени места во општината биле Асанли, Воловец, Ѓопчели, Караулари, Крастали, Пазарли, Фурка, Црничани и Чаушли. Општината била дел од Дојранскиот Срез, Тиквешки Округ.^[1]

Кралство СХС/Југославија

За време на новата држава Кралство СХС, Општина Фурка постоела се до нејзиното укинување на сметка на соседната и проширена Општина Дојран.

1945-1950

Месниот народен одбор Фурка бил основан во 1945 година. Тој бил дел од Валандовска Околија, првично во Штипскиот Округ, а истата 1945 година, околијата со општината биле преместени во Велешкиот Округ, и негово составно населено место било Фурка.^[2] Во 1947 година, според новата административна поделба, месниот одбор останал територијално непроменет и бил префрлен во Гевгелиската Околија.^[3] Во 1950 година, според новата административна поделба, Месниот народен одбор Фурка бил укинат на сметка на соседниот и проширен Месен народен одбор Нов Дојран.^[4]

Население

Според пописот од 1921 година, Општина Фурка имала 1,466 жители. Според верската припадност, 1,252 биле православни, 3 биле католици, додека 211 биле муслимани. Според јазичната припадност, 1,052 биле Срби/Хрвати, 211 биле Турци, 3 биле Словенци, и 200 биле останати.^{[5][б 1]}

Според пописот од 1948 година, Месен народен одбор Фурка имал 647 жители, односно вкупното население на Фурка.

Следува табела според народностите во пописот од 1948 година:^[6]

Народност	Вкупно
Македонци	634
Турци	2
Срби	8
Хрвати	3

Поврзано

• Список на населени места во Вардарска Македонија по општина (1913-1915)
• Список на општини во Македонија по население (1948)

Забелешки

1. Македонскиот јазик и македонскиот народ биле третирани за српски, согласно според српскиот/кралскојугословенскиот државен апарат.