Пинтија

Пинтија — населба во рамките на Општина Кисела Вода, односно е приградска населба на градот Скопје. Се наоѓа на 9 километри југоисточно од центарот на Скопје, помеѓу Драчево и Усје од десната страна на булеварот „Борис Трајковски“.

Поглед на населбата Пинтија од манастирот „Св. Еремија“

Подрачјето на Пинтија во рамките на Општина Кисела Вода.

Населбата Пинтија е основана во поново време, односно кон крајот на 1960-тите и почетокот на 1970-тите години, како населба во која живееле работниците од околните фабрики - гиганти. Во непосредната близина на Пинтија се фабриките „ОХИС“, Стакларница, Цементарница, а во поново време многу фирми и погони како на местото на пропаднатите фабрики така и новоизградени. Во населбата живеат околу 3.000 жители, исклучиво Македонци, доселени од Прилепско, Порече и други области во Македонија. Покрај работењето во околните фабрики и погони, дел од населението се занимава претежно со овоштарство и лозарство, а во многу мал обем е и градинарството, пред сè за домашни потреби.

На ридот над населбата постои црквата (манастирот) „Свети Пророк Еремија“.

Образование

• подрачно училиште на ООУ „Рајко Жизофов“, чие главно училиште е во Драчево

Самоуправа и политика

Избирачко место

Населба Пинтија, општина Кисела Вода - организација на избори^[1][2]

Број на избирачко место	Установа кадешто се наоѓа	Женски гласачи	Машки гласачи	Регистрирани гласачи
2750	ПУ „Рајко Жинзифов“	358	376	734
2751	ПУ „Рајко Жинзифов“	820	831	1651
Вкупно		1.178	1.207	2.385

На парламентарните избори во 2024 година, гласале вкупно 1.648 жители, каде 63% од гласовите освоила Коалицијата “Твоја Македонија“ ВМРО-ДПМНЕ, 10% Коалицијата “За Европска Иднина“ - СДСМ и 16% партијата Левица.^[3]