Поетска ноќ во Велестово

Поетска ноќ во Велестово е поетски фестивал што се одржува во охридското село Велестово. Организатор на манифестацијата е Славе Ѓорго Димоски.

Поетска ноќ во Велестово 2014

Фестивалот траел од 15 до 18 август 2014 година и на него учествувале десетина поети критичари и уметници од Македонија, Ирска, Словенија и Црна Гора. Ова издание било посветено на творештвото на Катица Ќулавкова. За неа збрувал Владимир Мартиновски, а нејзина поезија читале членовите на аматерската театарска група „Аматер“ од Охрид. Исто така, била претставена поезијата на Патрик Котер од Ирска, Тања Бакиќ од Црна Гора, Зоран Јакимоски од Македонија и Барбара Погачник од Словенија. Во рамките на манифестацијата се одржала и изложба на членовите на “АРТерија” од Охрид, како и промоција на три поетски книги во издание на „ПНВ публикации“ од Скопје. ^[1]