Мехомија
град во Пиринска Македонија From Wikipedia, the free encyclopedia
Remove ads
Мехомија (од 1925 г. офиц. Разлог[1], бугарски: Разлог) — град во Општина Мехомија (Општина Разлог) во Пиринска Македонија, денес Благоевградска област, југозападна Бугарија, недалеку од градот Банско.
Градот го добил новото име по традиционалната котлина и географска област Разлог (Разлошко), во која е сместен.[2]
Remove ads
Географија
Градот се наоѓа во центарот на Разлошката Котлина, помеѓу три планини - Рила, Пирин и Родопи. Оддалечен е само 6 километри северно од соседниот град Банско и 13 километри од Добриниште.
Разлошката Котлина е оградена од јужните ограноци на Рила и северните падини на Пирин, додека источна граница претставува реката Места. Котлината е релативно висока со просечна надморска височина од 800 метри.
Remove ads
Историја
На 7 километри од денешниот град, во месноста Бетоловото, се откриени остатоци од црква од V век. Остатоци од друга ранохристијанска црква од V-VI век се наоѓаат во месноста Катарино, а во близина од неа има остатоци од поранешно паганско светилиште.[3]
За првпат името Разлог во пишаните извори се споменува во 1019 година, во грамота на византискиот цар Василиј II, како дел од Ќустендилската епархија.[4]
Во XIX век Мехомија е мешано христијанско-мулиманско село во Неврокопската каза на Отоманското Царство.
Кон крајот на XIX век Мехомија е центар на посебна каза во рамките на Серскиот санџак.
Според статистиката на Васил К’нчов („Македонија, Етнографија и статистика“) од 1900 година, во Мехомија живееле 4.970 жители, од кои 3.200 Македонци христијани[5], 1.460 Македонци муслимани, 200 Роми, 80 Турци и 30 Власи.[6]
Во 1896 година Гоце Делчев основа комитет на ВМОРО во Мехомија. За време на Илинденското востание во градот започнуваат востанички дејствија. Турскиот аскер и башибозук го напаѓаат градот при што убиваат околу 45 луѓе и опожаруваат околу 200 куќи. Дел од населението пребегува во кнежевството Бугарија. Според податоците на Неврокопската митрополија во 1907 година во градот имало 3.235 жители, Македонци христијани.[5]
Remove ads
Демографија
Според пописот од 2011 година, во Мехомија живееле 11.960 жители.[7]
На табелата е прикажан националниот состав на населението во градот:
| националност | број | % |
| Бугари | 10.764 | 90 |
| Роми | 488 | 4,08 |
| Турци | 5 | 0,04 |
| други | 39 | 0,32 |
| не се самоопределиле | 64 | 0,53 |
| не одговориле | 600 | 5,01 |
| Вкупно | 70.881 | 100 |
Во градот и околината живеат голем број Македонци, кои од страна на бугарската држава не се признаваат како посебна етничка заедница и голем дел од нив се запишуваат како Бугари.[5] Во пописот од 1956 година, кога имало можност за самоопределување на македонски народ, вкупно 45,18 % од населението во Разлошката околија се декларирале како Македонци.[8]
На табелата е прикажан бројот на населението во Мехомија за периодот 1934-2011:
Личности
- Никола Парапунов (1 јули 1909 - Бараково, Горноџумајско, 9 декември 1943) — македонски комунист од Пиринска Македонија.
Поврзано
Наводи
Надворешни врски
Wikiwand - on
Seamless Wikipedia browsing. On steroids.
Remove ads