Раштани (Велешко)

Раштани — село во северозападниот дел на Општина Велес, во околината на градот Велес, во долното сливно подрачје на реката Тополка, а на северозападната падина — на ридот Гроот.

Раштани
Раштани Местоположба на Раштани во Македонија Раштани на карта
Координати 41°43′27″N 21°42′46″E
Регион	Вардарски
Општина	Велес
Население	257 жит. (поп. 2021)[1]
Шифра на КО	29062
Раштани на општинската карта Атарот на Раштани во рамките на општината
Раштани на Ризницата

Географија и местоположба

Селото е рамничарско и лежи на надморска височина од 380 метри, а од градот Велес е оддалечено 6 километри. Во Раштани работи основно училиште до IV одделение, има неколку угостителски и стопанско-земјоделски објекти и споменик од НОБ, посветен на Февруарскиот поход.

Историја

Стопанство

Население

Население во минатото

Година Нас. ±% 1948 183 —     1953 204 +11.5% 1961 187 −8.3% 1971 173 −7.5% 1981 167 −3.5%	Година Нас. ±% 1991 323 +93.4% 1994 264 −18.3% 2002 396 +50.0% 2021 286 −27.8%

Според германска карта издадена во 1941 година, а заснована на пописот на Кралство Југославија во 1931 година, селото имало 200 Македонци.^[2]

Според пописот од 2002 година, селото Раштани има 286 жители од кои сите се Македонци.

Според последниот попис од 2021 година, во селото живееле 257 жители, од кои 219 Македонци, 1 Влав, 1 Србин и 36 лица без податоци.^[3]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	260	152	183	204	187	173	167	323	264	396	286

Извор за 1900 г.: Македонија. Етнографија и статистика.^[4]; за 1905 г.: La Macédoine et sa Population Chrétienne.^[5]; за 1948-2002 г.: Државен завод за статистика на РМ.^[6]; за 2021 г.: Државен завод за статистика на РМ.^[7]

Родови

Раштани е македонско село.

Според истражувањата од 1966/67 година, родови во селото се

• Скубареви (3 к.), Чупчевци (3 к.), Брлевци (3 к.), Пецевци (3 к.), Лазови (2 к.), Ицкови (1 к.), Саздови (1 к.), Ордеви (5 к.), Наунови (4 к.) и Тоскаровци (1 к.). сите наведени родови се староседелски.
• Караџовци (4 к.) доселени се од денес албанското село Бузалково.
• Малиќовци (1 к.) доселени се во турско време од селото ’Рлевци.
• Арсевци (1 к.) и Балчаковци (1 к.) доселени се во 1919 година од селото Дреново.
• Бузалковци (4 к.) доселени се во периодот од 1946-48г од селото Бузалково.
• Гускарови (1 к.) доселени се од селото Белештевица.
• Угриновци (3 к.) и Црешневци (1 к.) доселени се од селото Црешнево после 1946 година.
• Дреновчани (5 к.) доселени се од селото Дреново. Во Дреново биле староседелци.
• Бистричани (1 к.) доселени се од селото Бистрица.^[8]

Општествени установи

• Црква „Св. Троица“

Самоуправа и политика

Избирачко место

Во селото постои избирачкото место бр. 2203 според Државната изборна комисија, сместени во просториите на основното училиште.^[9]

На претседателските избори во 2019 година, на ова избирачко место биле запишани вкупно 242 гласачи.^[10]

Културни и природни знаменитости

Археолошки наоѓалишта

• Грамаѓе — населба од доцноантичко време
• Каменика — некропола од доцноантичко време
• Корија — утврдена населба од доцноантичко време
• Латински Гробови — некропола од доцноантичко време
• Мраморје — населба и некропола од доцноантичко време

Редовни настани

Личности

Култура и спорт

Иселеништво