Свахилски јазик

Свахилски, свахили или кисвахили — јазик од групата на банту јазици и мајчин јазик на народот Свахили. Јазикот се зборува од различни заедници во регионот на Африканските Големи езера и во делови од Југоисточна Африка, поточно во делови во Танзанија, Кенија, Уганда, Руанда, Бурунди, Мозамбик и ДР Конго.^[2] Сроден јазик на свахилскиот е коморскиот јазик, кој понекогаш се смета за еден од дијалектите на свахилскиот јазик.

Свахилски јазик
Kiswahili
Застапен во	Танзанија Кенија Уганда Руанда Бурунди Демократска Република Конго Сомалија Оман Комори (заедно со Мајот) Мозамбик
Говорници	Прв јазик: 5-10 милиони Втор јазик: 80 милиони[1]
Јазично семејство	Нигер-конгоанско Атланстско-конгоанско Волта-конгоанско Бенуе-конгоанско Бантоид Јужен бантоид Страничен банту Централностраничен банту Г свахилски јазик
Статус
Службен во	Африканска Унија Кенија Танзанија Уганда
Регулативен орган	Baraza la Kiswahili la Taifa (Танзанија)
Јазични кодови
ISO 639-1	sw
ISO 639-2	swa
ISO 639-3	Разни: swa — свахили (општ) swc — конго свахили swh — свахили (специфичен)
Подрачјата каде што свахили се зборува како мајчин јазик (темнозелено), официјален или национален јазик (средно зелено) и трговски јазик (светлозелено). Како трговски јазик, се протега уште посеверозападно.

Иако само околу 5 милиони луѓе го зборуваат јазикот како мајчин јазик,^[3] тој е лингва франка во Источна Африка. Вкупниот број на луѓе што го зборуваат јазикот надминува над 140 милиони.^[4] Јазикот е службен во Танзанија, Кенија и Уганда и признат е како еден од службените јазици на Африканската Унија.

Дел од зборовниот фонд на свахилскиот е по потекло од арапскиот јазик, како директна последица на контактите на Свахилите со Арапите. Покрај арапскиот, јазикот црпел зборови и од англискиот, францускиот, германскиот и португалскиот јазик.