Слатински Извор (пештера)

Слатински Извор — најголемата пештера во Македонија,^[1] во околината на с. Слатина во областа Порече, на левата долинска страна на Слатинска Река, во непосредна близина на нејзината утока во реката Треска. Во 2011 г. пештерата со закон е прогласена за споменик на природата.^[2]

Слатински Извор
Слатинска Пештера
Сталактити во пештерата Слатински Извор
Слатински Извор Слатински Извор (Македонија)
Место	Општина Македонски Брод,  Македонија
Должина	> 4 км
Надм. височина	495 м
Геологија	карстна, доломитска

Настанок и одлики

Создадена е во доломитски мермери со проблематична старост.   Пештерата е сочинета од еден долг канал од кој во неколку правци се разгрануваат подолги и покуси канали^[3]. Досегашната вкупна и истражена должина на пештерата изнесува 800 метри, од кои 705 метри припаѓаат на главниот пештерски канал. На одделни места од главниот канал доминираат пештерски столбови и сталактити, а во најголемата пештерска сала (20 х 15 м) создадени се и поголеми сталагмити.

Истражена должина на пештерата изнесува 800 м, но досега е познато дека е долга повеќе од 4 км.^[4] На одделни места од главниот канал преовладуваат пештерски столбови и сталактити, а во најголемата пештерска сала создадени се и поголеми сталагмити. Во пештерата протекува понорница во должина од 557 м, а исто така во неа се создадени и помали травертински езерца во кои е утврдена присутност на пештерски ракчиња, како и огромно зелено пештерско езеро.

Според должината, разновидната внатрешност и местоположбата, пештерата Слатински Извор има извонредни можности за туристичка намена.

Пештерски украси

Според условите во кои се формирани, украсите во пештерата Слатински Извор припаѓаат на три групи: украси формирани од вода што тече и вода прокапница, украси формирани од капиларна вода и басенски депозити.

Галерија

• 
  Процепот на вистинскиот отвор од каде е првпат пристапено во пештерата
• 
  Вистинскиот отвор од каде е првпат пристапено во пештерата
• 
  Отвор на пештерата
• 
  Отвор на пештерата
• 
  Внатрешноста на пештерата
• 
  Отвор кон една од салите на пештерата
• 
  Отвор кон една од салите на пештерата
• 
  Сталактити на таваницата на пештерата
• 
  Сталактити на таваницата на пештерата
• 
  Внатрешноста на една од салите на пештерата

Поврзано

• Горна Слатинска
• Пурало
• Овчарска Пештера
• Слатина