Сињак

Сињак или Снежник (грчки: Άσκιο, Аскио) — планински венец во северозападниот дел на Кожанскиот округ и источниот дел на Костурскиот округ во Егејска Македонија. Највисок врв е Сињак со 2.111 м.^[1] Северниот дел е шумовит. Се протега од селото Клисура на северозапад до Сахинлар на југоисток, во должина од околу 30 км. Најблиски други планини се Нередска Планина на северозапад, Црвена Гора на југ и Каракамен на североисток. Реките по западните и јужните падини на планината планината извираат се влеваат во Бистрица, а оние на североисток завршуваат во Островското Езеро.

Сињак Άσκιο
Највисока точка
Врв	Сињак
Надм. височина	2.111 м [1]
Координати	40°24′23″N 21°33′24″E
Величина
Должина	30 км СЗ-ЈИ
Ширина	20 км СИ-ЈЗ
Географија
Земји	Грција
Окрузи	Кокжани и Костур

Населени места

Поголеми населени места во околината на Сињак се: Сачишта на југ, Кајлар на североисток и Кожани на југоисток. На самата планина се среќаваат селата Влашка Блаца (во средиштето), Селица и Деделер во јужниот и Ланга, Дебрец, Мокрени и Клисура на северниот дел. Јужно од венецот минува автопатот „Егнатија“ (Игуменица - Јанина - Кожани - Солун) низ малата област Карајанија, вгнездена во јужните падини и обиколена со разни други планини.

Поврзано

• Карајанија
• Сињак — управна единица на Општина Горуша
• Црвена Гора
• Каракамен
• Костур (округ)
• Кожани (округ)