Солунски Залив
залив во Егејска Македонија From Wikipedia, the free encyclopedia
Remove ads
Солунски Залив (грчки: Θερμαϊκός Κόλπος, Термајкос Колпос) — залив во Егејска Македонија на Егејското (Бело) Море. Се протега веднаш јужно од Солун, источно од Пиерија и Иматија, а западно од Халкидик. Грчкото име го носи по старото име на градот Солун, Терма, на крајбрежјето на овој залив. Должината му е околу 100 км, а ширината околу 5 км близу Солун, околу 15 км северно и до 50 км на југ. По заливот е наречена и денешната општина Солунски Залив (Термајкос). Римјаните го нарекувале заливот Thermaicus, Thermaeus sinus или Macedonicus sinus („Македонски Залив“).
Remove ads
Географија
Заливот го опкружува Солунското Поле и рамнината на север додека на исток и југозапад се протегаат ридови и планини. Солунскиот Залив има разни пристаништа по помали места, како и најважното пристаниште во градот Солун. На исток се протега Касандрискиот ’Рт.
Во потесна смисла, заливот на запад се граничи со линија од устието на Вардар до ’ртот на Голем Карабурун (Мегало Емболо), давајќи му должина од 15 км. Според уште потесна смисла, линијата оди од устието на Галик до ’ртот на Мал Карабурун (Микро Емболо).[1]
Remove ads
Населени места
Населени места на брегот на Солунскиот Залив се Валта (Блата), античкиот град Потидјеа, Либаново, Света Троица, Бахчели, Хаџи Бали, Солун, Гаскарка, Метона, Пидна, Вромероскала (Паралија), Тузла (Алики). Во заливот се влеваат реките Колудеј, Бистрица и Вардар, како и неколку потоци.
Сообраќај
Солунското пристаниште е најголемото и најпрометното во заливот. На неговите брегови има уште дванаесет пристаништа, претежно за пловен сообраќај. Околу заливот се протегаат поважните патишта во Егејска Македонија, и тоа А1/Е75 (Атина - Солун) од запад, и А25 (Солун - Нова Мудања) од исток.
Поврзано
- Солун
- Солунски Залив (општина) — административна единица наречена по заливот
Наводи
Надворешни врски
Wikiwand - on
Seamless Wikipedia browsing. On steroids.
Remove ads