Стерјана Вангелова-Славјанка

Стерјана Вангелова Канзурова - Славјанка ( 1924 , Добролишта - 19 мај 2005 , Скопје) — македонски деец на комунистичкото движење,^[1] учесник во НОВ и во Граѓанската војна во Грција.^[2][3]

Стерјана Вангелова-Славјанка
Родена	Стерјана Вангелова 1924 Добролишта, Костурско, Грција
Починала	19 мај 2005 Скопје
Занимање	деец

Животопис

Партизанки од Егејскиот воденски округ, Првата егејска ударна бригада. Фотографирано во Кавадарци, 30 септември 1944 година

Стерјана учествувала во Антифашистичкиот отпор (1941-1944),^[1] се приклучила во НОВ во 1941 година. Била активистка на младинската организација ЕПОН. Собирала оружје и растурала пропаганден материјал. Во почетокот на 1943 година стапила во единиците на ЕЛАС и била борец во 28-та бриrада.^[3]

Во мај 1944 година, заедно со едепн одред на борци, Македонци, од Еrејска Македонија, преминала во единиците на НОВ и ПОМ, како борец во Првата македонска ударна бригада. По неколкv месечно војување единиците на НОВ и ПОМ, се вратила во единиците на ЕЛАС. Кон крајот на 1944 година повторно дошла во Македонија, овојпат како борец во Првата егејска македонска ударна бригада. Во Првата егејска ударна бригада станала младински раководител на Првиот баталјон.^[2][3]

Во периодот на Граѓанската војна во Грција (1946-1949) била секретар на Окружниот комитет на АФЖ за Костурско и Леринско и организационен секретар на Главниот одбор на АФЖ за Егејска Македонија.^[1][2]

Во 1948 година емигрирала во НРМ.^[1]