Струмичка Каза

Струмичка Каза — каза односно поранешна административна единица во Отоманското Царство која била дел од Солунскиот Санџак. Седиште на казата бил градот Струмица. Во неа биле сместени вкупно 67 населени места.^[1] Првично, таа била дел од Румелискиот Пашалак, а потоа дел од Солунскиот Пашалак и Солунскиот Вилает. Првиот кајмакам (управник) на казата бил извесен Ибрахим Кади, кој дошол на власт во 1675 година.^{[се бара извор]} Во 1900 година, казата била населена од вкупно 40,882 жители.^[2]

Граници на Струмичката Каза.

Население

Според податоците на Васил К’нчов од 1900 година, во Струмичката Каза живееле 40 882 жители, од кои:

народ	вкупен број	% од вкупното население
Македонци	23.602	57,73
Турци	14.930	36,51
Роми	1.650	4,03
Евреи	700	1,71