Талат Џафери

Талат Џафери (албански: Talat Xhaferi; Форино, 15 април 1962 ) — македонски политичар, поранешен министер за одбрана, поранешен претседател на Собранието на Македонија и поранешен претседател на 34. техничка влада на Македонија.

Талат Џафери
Премиер на Република Македонија (технички)
На должноста 28 јануари 2024 – 23 јуни 2024
Претседател	Стево Пендаровски
Претходник	Димитар Ковачевски
Наследник	Христијан Мицкоски
Претседател на Собранието на Македонија
На должноста 27 април 2017 – 28 јануари 2024
Претседател	Ѓорѓе Иванов
Претходник	Трајко Вељаноски
Наследник	Јован Митрески
Министер за одбрана
На должноста 18 февруари 2013 – 19 јуни 2014
Претседател	Ѓорге Иванов
Премиер	Никола Груевски
Претходник	Фатмир Бесими
Наследник	Зоран Јолевски
Лични податоци
Роден(а)	15 април 1962(1962-04-15) (63 г.) Форино, НР Македонија, ФНРЈ
Националност	Македонец
Народност	Албанец
Партија	ДУИ
Деца	2
Вероисповед	ислам
Воена служба
Прекар	Командант Форина
Припадност	ЈНА АРМ ОНА
Битки/војни	Воен конфликт во Македонија, 2001

Животопис

Талат Џафери е роден во гостиварското село Форино на 15 април 1962 година. Основно училиште завршил во соседното село Чегране, а средното го продолжил во Белград на Воената гимназија. Студирал на Воената академија на Копнена војска на ЈНА — насока Пешадија во Белград и Сараево. Последипломски студии — специализација за Командни и штабни должности на Воената академија „Генерал Михајло Апостолски” во Скопје. За време на Воениот конфликт во Македонија во 2001 година, Џафери бил висок офицер во АРМ и командувал со единиците во Тетовската касарна. На 28 април, на денот кога е извршен Масакрот кај Вејце, бил дежурен командант во касарната во Тетово.^[1] Неколку дена потоа дезертирал и преминал во ОНА како „Командат Форина“.^[2] Џафери на 27 април 2017 бил избран за претседател на Собранието на Македонија, што било проследено со Упад во Собраниската зграда.^[3] Од ВМРО-ДПМНЕ го оспориле неговиот избор како нелегитимен бидејќи според партијата, бил прекршен деловникот за работа на Собранието.^[4]

Функции

• 2024 - Технички премиер на Македонија
• 2017 – 2024 - претседател на Собранието на Македонија
• 2014 – 2016 - пратеник во Собранието на Македонија (ДУИ)
• 2013 – 2014 - министер за одбрана на Македонија
• 2011 – 2013 - пратеник во Собранието на Македонија (ДУИ)
• 2008 – 2011 - пратеник во Собранието на Македонија (ДУИ)
• 2004 – 2006 - заменик на министерот за одбрана на Македонија
• 2002 – 2004 - пратеник во Собранието на Македонија (ДУИ)
• 1992 – 2001 - офицер во АРМ
• 1985 – 1991 - офицер во ЈНА