Шамли

Шамли (грчки: Σαµλί, Самли) — поранешно село во Солунско, Егејска Македонија, денес во општината Делта на Солунскиот округ во областа Централна Македонија. Било населено исклучиво со Македонци.^[1]

Шамли Σαµλί
Шамли
Местоположба во областа Шамли Местоположба на Шамли во Солунскиот округ и областа Централна Македонија
Координати: 40°43.10′N 22°49.17′E
Земја	Грција
Област	Централна Македонија
Округ	Солунски
Општина	Делта
Надм. вис.	&100000000000000020000002 м
Население
• Вкупно	иселено
Час. појас	EET (UTC+2)
• Лето (ЛСВ)	EEST (UTC+3)

Географија

Шамли се наоѓало во Солунското Поле во областа Вардарија, северно од Текелиево, источно од Ингилизово и северозападно од Трите Ана.

Историја

На крајот од XIX век Шамли било мало македонско село во Солунската каза, едно од 47-те во состав на Камбаниската епископија.^[2]

Во „Етнографија на вилаетите Адријанопол, Монастир и Салоника“ се вели дека во 1873 г. Шамли (Chamlié) имало 10 домаќинства сочинети од 48 Македонци.^[3][4] Името веројатно му е поврзано со солунския субаша Шамли Али-бег. Истиот податок за бројот на куќите го дава и Боривое Милоевиќ („Јужна Македонија“). Според него, куќите биле растурени во 1888 г. поради поплавувањето на реката Галик.^[5] Во 1905 г. е забележано дека Шамли има 4 куќи, но дека е речиси сосем напуштено.

Топонимот останува до денес бидејќи се наоѓа на раскрсницата на патиштата Трите Ана - Ингилизово и Бугариево - Текелиево.^[6]