Вестоверлединген
From Wikipedia, the free encyclopedia
Remove ads
Вестоверлединген (германски: Westoverledingen) — општина во округот Лер, во сојузната покраина Долна Саксонија, Германија.
Remove ads
Географија
Местоположба
Вестоверлединген се наоѓа во јужниот дел на округот Лер во Источна Фризија и во крајниот северозапад на германската сојузна покраина Долна Саксонија. Голем дел од општинското подрачје се наоѓа десно од реката Емс, кај Колдам се наоѓа мала ненаселена површина на спротивниот брег. Општината се граничи со окружниот град Лер и на југ се наоѓа градот Папенбург во округот Емсланд. Средиштето на окружниот град Лер се наоѓа околу 7,5 километри северно од главното место Ирхофе, додека центарот на Папенбург се наоѓа околу 10,5 километри југозападно. Ирхофе се наоѓа на половина пат помеѓу големите градови Олденбург и Гронинген. Олденбург се наоѓа 51 километар на исток, додека холандскиот град Гронинген се наоѓа околу 59 километри на запад.
Соседни општини
Вестоверлединген се граничи на запад со градот Венер, со кого е одвоен со Емс. Не постои директна патна врска со Венер, туку само железничка врска, која може да ја користат велосипедисти и пешаци. Северно од општината, на спротивниот брег на Леда се наоѓа Лер. Источно се наоѓа општината Раудерфен. Овие три општини се наоѓаат во округот Лер. Јужно од Вестоверлединген се наоѓа градот Папенбург во Емсланд.
Општински единици
Општината Вестоверлединген се состои од дванаесет единици (во заградите се бројот на жители во 2020 г.[2]):
- Брајнермор (325)
- Дривер (108)
- Есклум (187)
- Флаксмер (4737)
- Фолмхузен (584)
- Гротегасте (116)
- Гросволде (1670)
- Ирен (1968)
- Ирхофе (3626)
- Митлинг-Марк (168)
- Штенфелде (2254)
- Фелен (5771)
Remove ads
Галерија
Ветерница во Митлинг-Марк
Вливот на Леда во Емс
Училиштен музеј во Фолмхузен
Селската црква во Ирхофе
Наводи
Надворешни врски
Wikiwand - on
Seamless Wikipedia browsing. On steroids.
Remove ads