Гама Големо Куче

Гама Големо Куче (γ Canis Majoris, скратено Гама CMa, γ CMa), исто така наречена Мулифен (/ˈmjuːlɪfeɪn/),^[10] — ѕвезда во јужното соѕвездие на Големо Куче. Не е јасно точно зошто оваа релативно слаба ѕвезда ја добила ознаката „гама“, но веројатно затоа што е во истиот дел од соѕвездието како Сириус (алфа) и Мирзам (бета).

γ Големо Куче

Местоположба на γ Големо Куче (заокружено)
Податоци од набљудување Епоха J2000.0      Рамноденица J2000.0
Соѕвездие	Големо Куче
Ректасцензија	07ч 03м &1000000000454930500000045,49305с[1]
Деклинација	−15° 37′ &1000000000059830000000059,8300″[1]
Прив. величина (V)	+4.10[2]
Особености
Спектрален тип	B8II[3]
U−B Боен показател	−0.45[2]
B−V Боен показател	−0.13[2]
Астрометрија
Радијална брзина (Rv)	+32.0[4] км/с
Сопствено движење (μ)	Рект: −0.14[1] млс/г Дек.: −11.36[1] млс/г
Паралакса (π)	7.38 ± 0.21[1] млс
Оддалеченост	440 ± 10 сг (136 ± 4 пс)
Апсолутна величина (MV)	−1.4[5]
Податоци
Полупречник	5.6[6] R☉
Површ. грав. (log g)	3.5[6]
Сјајност	715[7] L☉
Температура	13,596[6] K
Вртење	6.16 d[8]
Вртежна брзина (v sin i)	30[9] км/с
Други ознаки
Мулифен, 23 Големо Куче, BD−15°1625, FK5 271, HD 53244, HR 2657, HIP 34045, SAO 152303
Наводи во бази
SIMBAD	— податоци

Номенклатура

Гама Големо Куче претставува бајерова ознака на ѕвездата.

Го носеи традиционалното име Мулифен^[11], и не треба да се меша со Мухлифен, што е ознака за Гама Кентаур; двете имиња потекнуваат од истиот арапски корен, محلفين muħlifayn. Во 2016 година, Меѓународниот астрономски сојуз организирал Работна група за имиња на ѕвезди (РГИЅ) за да ги каталогизира и стандардизира соодветните имиња за ѕвездите^[12]. РГИЅ го одобрил името Muliphein за оваа ѕвезда на 21 август 2016 година и денес името е внесено во Каталогот на имиња на ѕвезди на МАС ^[13].

Својства

Гама Големо Куче е синобел сјаен џин од типот Б^[3] со ѕвездена класификација B8II и привидна величина +4,11. Таа е приближно 440 светлосни години од Земјата. Таа е хемиски чудна ѕвезда Hg-Mg која прикажува абнормални линии на жива и магнезиум.^[8] Оваа ѕвезда има 5,6 пати поголем полупречник од Сонцето, а надворешната атмосфера има делотворна температура од 13.596 келвини.^[6]

Оваа ѕвезда е осомничена дека е спектроскопски бинарен систем, и постои придружник на аголно растојание од 0,332″ по должината на положбениот агол од 114,8°. Таа е член на расеаното јато Колиндер 121.^[14]

Современо наследство

Мулифин се појавува на знамето на Бразил, симболизирајќи ја државата Рондонија.^[15]

Товарниот брод на американската морнарица УСС <i id="mwdw">Мулифен</i> (АКА-61) го добил името по ѕвездата.