Пецо Видимче

Пецо Видимче (Битола, 8 октомври 1921 - Скопје, 12 октомври 2010 ) — македонски сликар.^[1][2]

Пецо Видимче
Роден	8 октомври 1921 Битола, Кралство на Србите, Хрватите и Словенците
Починал	12 октомври 2010(2010-10-12) (возр. 89) Скопје, Македонија
Занимање	академски сликар, ликовен уметник, професор по ликовна уметност

Животопис

Пецо Видимче е роден на 8 октомври 1921 година во Битола, тогаш во Кралството на Србите, Хрватите и Словенците.^[2] Во 1952 година дипломирал ликовна уметност во Белград во класата на професорот Неделко Гвозденовиќ. Како стипендист на Фондот „Моша Пијаде“^[2] бил на студиски престој во Италија (1954) и Франција (1960).^[1] Во 1953 година станал член на Друштвото на ликовните уметници на Македонија (ДЛУМ) и учествувал во сите негови изложби. Во 1955 година заедно со уметниците Јован Димовски, Методија Ивановски-Менде, Перо Спироски и Борислав Траиковски ја основале групата ВДИСТ.^[2] Критиката високо ги оценува нивните дела.^[1][2]

Видимче имал самостојни изложби во Битола, Скопје и Куманово и учествува на групните во Југославија, Велика Британија и Италија. Предавал ликовна уметност во гимназијата „Георги Димитров“ во Скопје.^[2]

Починал на 12 ноември 2010 година во Скопје.^[2]

Награди

• Награда „4 Ноември“ за ликовна уметност (1960)
• Награда „13 Ноември“ за ликовна уметност (1976)
• Трета награда на Извршниот совет на Социјалистичка Република Македонија (1977)
• Македонски пејзаж (1977)
• Нерешки мајстори (1977)
• Награда „11 Октомври“ за животно дело (1982)