From Wikipedia, the free encyclopedia
ФК Фулам е професионален фудбалски клуб од Фулам, Лондон, Англија. Моментално се натпреварува во Премиер лигата, највисоката лига по ранг во англискиот фудбал.
Фулам | ||||
---|---|---|---|---|
Целосно име | Фудбалски клуб Фулам | |||
Држава | Англија | |||
Прекар | Котиџерс | |||
Основан | 1879 | |||
Бои | бела и црна | |||
Стадион | Крејвен Котиџ Лондон, Англија | |||
Капацитет | 25,700 | |||
Сопственик | Шахид Кан | |||
Претседател | Шахид Кан | |||
Менаџер | Скот Паркер | |||
Лига | Премиер лига | |||
2023/24 | Премиер лига, 13. место | |||
Мреж. место | Официјално мрежно место | |||
| ||||
Тековна сезона |
Клубот е основан во 1879 година и претставува најстариот професионален фудбалски клуб од Лондон кој заиграл во фудбалската лига.[1] Досега, клубот има поминато 26 сезони во највисокото ниво на англискиот фудбал, а поголемиот дел од нив во два периоди во текот на 1960-тите и 2000-тите години. Во текот на 1990-тите клубот играл во четвртата англиска дивизија, меѓутоа веќе на почетокот на новиот милениум експресно се вратиле во првата лига. За тоа бил најзаслужен египетскиот милионер Мохамед Ал-Фајед кој го преземал Фулам во најлошиот период од клупската историја (1994-1997) и успеал да спречи финансиска пропаст, за веќе во наредните четири години клубот да забележи четири последователни промоции во периодот од 1997 до 2001 година и да влезе во Премиер лигата. Во сезоната 2002-2003, Фулам дебитирал во европските натпреварувања каде го освоиле Интертото купот (победувајќи ја по двата финални натпревари Болоња со вкупен резултат 5-3) и така се избориле за настап во Купот на УЕФА. Во ова натпреварување поминале два круга, меѓутоа во третиот ги сопрела екипата на Херта. Во својата историја Фулам одиграл две важни финалиња: првото во 1975 година во ФА купот каде загубиле од Вест Хем Јунајтед со 2-0 и во 2010 кога загубиле од Атлетико Мадрид со 2-1 по продолженија во УЕФА Лига Европа.[2]
Својте домашни натпревари ги игра на стадионот Крејвен Котиџ, кој е со капацитет од 25,700 седечки места. Боите на клубот се белата и црната, а најчесто играат во бели дресови и црни шорцеви. Најголем соперник им е екипата на Челси.
Фулам е основан во 1879 година како Фулам Сент Ендрјус Чрч Сандеј Скул ФК[3], од страна на верниците од црквата на Стар Роуд (Западен Кенсингтон). Во 1887 година клубот го освоил Западнолондонскиот аматерски куп, a во 1983 година ја освоил Западнолондонската лига.[4] Првиот дрес на клубот бил во црвена боја со бели шорцеви и чорапи. Откако промениле неколку терени на кој играле, во 1986 фудбалерите на Фулам се преселиле на Крејвен Котиџ, теренот кој и ден денес е нивниот домашен стадион. Првиот натпревар на овој стадион го одиграле против екипата на Минерва. Во моментов, Фулам е еден од најстарите клубови во јужна Англија кој игра на професионално ниво.
Професионалниот статус клубот го добил на 12 декември 1898 година, а истата година влегле во Втората Дивизија на Јужната лига. Во сезоната 1902-1903, избориле промоција во Првата Дивизија на Јужната лига.
|
|
Име | Од | До |
---|---|---|
Хари Бредшо | 1904 | 1909 |
Фил Келсо | 1909 | 1924 |
Енди Дукат | 1924 | 1926 |
Џо Бредшо | 1926 | 1929 |
Нед Лидел | 1929 | 1931 |
Џими МекИнтајер | 1931 | 1934 |
Џими Хоган | 1934 | 1935 |
Џек Пирт | 1935 | 1948 |
Френк Озборн | 1948 | 1949 |
Бил Доџин ср. | 1949 | 1953 |
Френк Озборн | 1953 | 1956 |
Даг Ливингстон | 1956 | 1958 |
Бедфорд Џизард | 1958 | 1964 |
Вик Бакингам | 1965 | 1968 |
Боби Робсон | 1968 | 1968 |
Бил Доџин јр. | 1969 | 1972 |
Алек Сток | 1972 | 1976 |
Боби Кембел | 1976 | 1980 |
Малком МекДоналд | 1980 | 1984 |
Реј Харфорд | 1984 | 1986 |
Реј Луингтон | 1986 | 1990 |
Алан Дикс | 1990 | 1991 |
Дон Макеј | 1991 | 1994 |
Ијан Бранфут | 1994 | 1996 |
Мики Адамс | 1996 | 1997 |
Реј Вилкинс | 1997 | 1998 |
Кевин Киген | 1998 | 1999 |
Пол Брејсвел | 1999 | 2000 |
Жан Тигана | 2000 | 2003 |
Крис Колман | 2003 | 2007 |
Лори Санчес | 2007 | 2007 |
Рој Хоџсон | 2007 | 2010 |
Марк Хјуз | 2010 | 2011 |
Мартин Јол | 2011 | 2013 |
Рене Меленстен | 2013 | 2014 |
Феликс Магат | 2014 | 2014 |
Кит Сајмонс | 2014 | 2015 |
Славиша Јокановиќ | 2015 | 2018 |
Клаудио Раниери | 2018 | 2019 |
Скот Паркер | 2019 |
останати успеси
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.