Ханс Холајн
From Wikipedia, the free encyclopedia
From Wikipedia, the free encyclopedia
Ханс Холајн (германски: Hans Hollein), (Виена, 30 март 1934 - (Виена, 24 април 2014 ) – еден од најважните австриски модерни архитекти и дизајнери[1]. Добитник на Прицкеровата награда за архитектура (1985), познат и како еден од првите автори на постмодернизмот.
Ханс Холајн е роден во семејство на рударски инженери. Најпрво студирал архитектура на Академијата за ликовни уметности во Виена кај Клеменс Холцмајстер. Работел во неколку агенции со седипте во САД и Шведска. Студиите ги продолжил во Чикаго, каде дипломирал во 1959 година на „Технолошкиот институт Илионис“, а магистрирал во 1960 година на Универзитетот Беркли во Калифорнија.
Во 1964 година се вратил во Виена каде основал сопствена агенција „Ателје Холајн“. Бил уредни на магазинот „Бау“ (Изградба) од 1964 до 1970 година. Покрај тоа, работел како дописник на домашни и странски новини. Пред да стекне меѓународна слава, Ханс Холајн бил гостувачки професор на факултети, како што биле универзитетот Вашингтон во Сент Луис, Јејл, УКЛА и Охајо стејт јуниверзите, Колумбус. Исто така бил професор по дизајн и архитетктура на Уметничката академија во Диселдорф.[2]
На меѓународната сцена бил присутен од уредувањето на музејот Абтајберг во Менхенгладбах (Германија) од 1972 до 1982 година во кој го дефинирал својот постомодерен стил каде „архитектурата ја одредува психичката и физичката состојба“. Со изведбата на зградата Хас-хаус во Виена (1985-1990) ги потврдил своите идеи и ги обогатил со раскошни детали [3].
Холајн во своето дело „Сè е архитектура” (Alles ist Architektur) уште во 1967 година ги објаснил темелите на своето делување при што „човекот ги создава уметничките услови, архитектурата ја одредува физичката состојба”. Имено, тој на архитектурата не гледа низ материјалност и строго ја поткрепува својата теорија дека животот е поттикнат од архитектурата, а не обратно. Затоа тој ги користи сите подрачја поврзани со уметноста, како што се сликарството или дизајнот, што ги збунува и овие дисциплини. Тој го замислил т.н. „мегалитски град“ низ низа колажи, обожава измени на цели, во уметноста како и во архитектурата.
Неговите дела се обележени со изразита смисла за детали и користење племените материјали како мермер или бакар.
Архитектурата е култна, тоа е време, симбол, знак, израз на лицето.
Архитектурата е контрола на телесната температура – заштитно куќиште.
Архитектурата е дефиниција - спецификација – простор на опкружувањето.
Архитектурата е уредување на психичката состојба
—Ханс Холај, Сè е архитектура, 1967
.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
