From Wikipedia, the free encyclopedia
ചൈനയിലെ ഒരു ബഹുരാഷ്ട്ര ടെലികമ്മ്യൂണിക്കേഷൻ കമ്പനിയാണ് ഇസെഡ്.ടി.ഇ കോർപ്പറേഷൻ. മൊബൈൽ, സ്മാർട്ട് ഫോണുകൾ, ടെലികമ്മ്യൂണിക്കേഷൻ അനുബന്ധ ഉപകരണങ്ങളും നിർമ്മിക്കുന്ന കമ്പനിയുടെ ആസ്ഥാനം ചൈനയിലെ ഷെൻസെനിലാണ്. 1985-ൽ പ്രവർത്തനം ആരംഭിച്ച കമ്പനി ചൈനയിൽ ടോപ് ഫൈവ് സ്മാർട്ട് ഫോൺ മാനുഫാക്ചേഴ്സറും ആഗോളതലത്തിൽ ടോപ്ടെണിൽ ഉൾപ്പെടുന്നതുമാണ്. [2]ഇസെഡ്.ടി.ഇ ഹോങ്കോങ്ങിലും ഷെൻഷെൻ സ്റ്റോക്ക് എക്സ്ചേഞ്ചിലും ലിസ്റ്റ് ചെയ്തിട്ടുണ്ട്.
Formerly | സിയോങ്സിങ് ടെലികമ്മ്യൂണിക്കേഷൻ എക്യുപ്മെന്റ് കോർപ്പറേഷൻ |
---|---|
Public; state-owned enterprise | |
Traded as | SZSE: 000063 SEHK: 763 |
ISIN | |
വ്യവസായം | Telecommunications equipment Networking equipment |
സ്ഥാപിതം | 1985 | (as Zhongxing Semiconductor Co., Ltd.)
സ്ഥാപകൻ | Hou Weigui (ചൈനീസ്: 侯為貴; പിൻയിൻ: Hóu Wéiguì) |
ആസ്ഥാനം | 55 Hi-tech Road South Shenzhen, Guangdong, China 518057 |
സേവന മേഖല(കൾ) | Worldwide |
പ്രധാന വ്യക്തി | Yin Yimin (Chairman) Zhao Xianming (President and Executive Director)[1] |
ഉത്പന്നങ്ങൾ | Mobile phones, smartphones, tablet computers, hardware, software and services to telecommunications service providers and enterprises |
വരുമാനം | CN¥90.740 billion / US $13.2 billion (2019) |
പ്രവർത്തന വരുമാനം | CN¥7.55 billion (2019) |
മൊത്ത വരുമാനം | CN¥5.49 billion (2019) |
മൊത്ത ആസ്തികൾ | CN¥141.202 billion (2019) |
Total equity | CN¥35.079 billion (2019) |
ഉടമസ്ഥൻ | Zhongxingxin (30.34%); China Aerospace Science and Industry Corporation |
ജീവനക്കാരുടെ എണ്ണം | 72,580[അവലംബം ആവശ്യമാണ്] (2022) |
അനുബന്ധ സ്ഥാപനങ്ങൾ | Nubia Technology (49.9%) ZTEsoft Zonergy |
വെബ്സൈറ്റ് | www |
Footnotes / references In consolidated financial statement;[1] shareholders' equity figure are excluding perpetual capital instrument |
ZTE Corporation | |||||||||||
Simplified Chinese | 中兴通讯股份有限公司 | ||||||||||
---|---|---|---|---|---|---|---|---|---|---|---|
Traditional Chinese | 中興通訊股份有限公司 | ||||||||||
Literal meaning | China-Prosperity Communications Company Limited by Shares | ||||||||||
| |||||||||||
Alternative Chinese name | |||||||||||
Simplified Chinese | 中兴通讯 | ||||||||||
Traditional Chinese | 中興通訊 | ||||||||||
Literal meaning | China-Prosperity Communications | ||||||||||
| |||||||||||
Second alternative Chinese name | |||||||||||
Simplified Chinese | 中兴 | ||||||||||
Traditional Chinese | 中興 | ||||||||||
Literal meaning | China-Prosperity [or the word itself: resurgence] | ||||||||||
|
വയർലെസ്, എക്സ്ചേഞ്ച്, ഒപ്റ്റിക്കൽ ട്രാൻസ്മിഷൻ, ഡാറ്റാ ടെലികമ്മ്യൂണിക്കേഷൻ ഗിയർ, ടെലികമ്മ്യൂണിക്കേഷൻ സോഫ്റ്റ്വെയർ, മൊബൈൽ ഫോണുകൾ എന്നിവയാണ് ഇസെഡ്.ടി.ഇ-യുടെ പ്രധാന ബിസിനസ്സ്. ഇസെഡ്.ടി.ഇ പ്രാഥമികമായി സ്വന്തം പേരിൽ ഉൽപ്പന്നങ്ങൾ വിൽക്കുന്നു, എന്നാൽ ഇത് ഒരു ഒഇഎം(OEM-original equipment manufacturer)കൂടിയാണ്.[3]
മറ്റു രാജ്യങ്ങളെ വൻതോതിൽ നിരീക്ഷണം നടത്തുന്ന ചൈനീസ് സർക്കാരുമായുള്ള ബന്ധത്തെച്ചൊല്ലി കമ്പനി അമേരിക്ക, ഇന്ത്യ, സ്വീഡൻ എന്നിവിടങ്ങളിൽ വിമർശനം നേരിട്ടിട്ടുണ്ട്. സാമ്പത്തിക ഉപരോധങ്ങൾ ലംഘിച്ച് ഇറാനിലേക്കും ഉത്തരകൊറിയയിലേക്കും യുഎസ് സാങ്കേതികവിദ്യ അനധികൃതമായി കയറ്റുമതി ചെയ്തതിന് 2017-ൽ ഇസെഡ്.ടി.ഇയ്ക്ക് പിഴ ചുമത്തി.[4] 2018 ഏപ്രിലിൽ, ഈ ഗുരുതര കുറ്റകൃത്യത്തിലേർപ്പെട്ട ജീവനക്കാർക്കെതിരെ ശരിയായ രീതിയിൽ ശിക്ഷിക്കുന്നതിനോ അല്ലെങ്കിൽ തിരുത്തൽ നടപടികൾ കൈക്കൊള്ളുന്നതിനോ കമ്പനി പരാജയപ്പെട്ടു, യുഎസ് ഡിപ്പാർട്ട്മെന്റ് ഓഫ് കൊമേഴ്സ് യുഎസ് കമ്പനികളെ (സെമികണ്ടക്ടർ) ഇസെഡ്.ടി.ഇയിലേക്ക് കയറ്റുമതി ചെയ്യുന്നതിൽ നിന്ന് ഏഴ് വർഷത്തേക്ക് വിലക്കി. ഇസെഡ്.ടി.ഇ അതിന്റെ സീനിയർ മാനേജ്മെന്റിനെ മാറ്റി, അധിക പിഴകൾ അടയ്ക്കാനും 10 വർഷത്തേക്ക് ഒരു ഇന്റേണൽ കംപ്ലയൻസ് ടീം സ്ഥാപിക്കാനും സമ്മതിച്ചതിന് ശേഷം 2018 ജൂലൈയിൽ നിരോധനം നീക്കി.[5][6] 2020 ജൂണിൽ, ഫെഡറൽ കമ്മ്യൂണിക്കേഷൻസ് കമ്മീഷൻ (FCC) ഇസെഡ്.ടി.ഇ ദേശീയ സുരക്ഷാ ഭീഷണിയായി പ്രഖ്യാപിച്ചു.[7][8][9][10]2023 ൽ യൂറോപ്യൻ കമ്മീഷൻ ടെലികമ്മ്യൂണിക്കേഷൻ സേവനങ്ങൾ നൽകുന്നതിൽ നിന്ന് ഇസെഡ്.ടി.ഇ നിരോധിച്ചു.[11]
1985-ൽ ഗ്വാങ്ഡോംഗ് പ്രവിശ്യയിലെ ഷെൻഷെനിൽ സിയോങ്സിങ് സെമികണ്ടക്ടർ കോ.,(Zhongxing semiconductor Co.) ലിമിറ്റഡ് ആയി സ്ഥാപിതമായ ഇസെഡ്.ടി.ഇ, ചൈനയുടെ എയ്റോസ്പേസ് വ്യവസായ മന്ത്രാലയവുമായി ബന്ധപ്പെട്ട ഒരു കൂട്ടം നിക്ഷേപകരാണ് ഇതിന് മുൻകൈ എടുത്തത്.[12][13][14][15]1993 മാർച്ചിൽ, സിയോങ്സിങ് സെമികണ്ടക്ടർ അതിന്റെ പേര് സിയോങ്സിങ് ന്യൂ ടെലികമ്മ്യൂണിക്കേഷൻ ഇക്യുപ്മെന്റ് കോ. ലിമിറ്റഡ് എന്നാക്കി മാറ്റുകയും 3 ദശലക്ഷം ആർഎംപി(RMB) മൂലധനം നൽകുകയും "സർക്കാർ ഉടമസ്ഥതയിലുള്ളതും പ്രൈവറ്റായി പ്രവർത്തിക്കുന്ന" സാമ്പത്തിക സ്ഥാപനമായി ഒരു പുതിയ ബിസിനസ് മോഡൽ സൃഷ്ടിക്കുകയും ചെയ്തു. ഇസെഡ്.ടി.ഇ 1997-ൽ ഷെൻഷെൻ സ്റ്റോക്ക് എക്സ്ചേഞ്ചിലും 2004 ഡിസംബറിൽ ഹോങ്കോംഗ് സ്റ്റോക്ക് എക്സ്ചേഞ്ചിലും ഇനിഷ്യൽ പബ്ലിക് ഓഫറിംഗ് (ഐപിഒ) നടത്തി.[16]
കമ്പനി തുടക്കത്തിൽ ആഭ്യന്തര വിൽപ്പനയിൽ നിന്ന് ലാഭം നേടുകയും,[17]അതിന്റെ 2004-ലെ ഹോങ്കോംഗ് ഐപിഒയിൽ നിന്നുള്ള വരുമാനം ഉപയോഗിച്ച് ആർ & ഡി(Research and development) നടത്തുകയും, വികസിത രാജ്യങ്ങളിൽ ഉൽപ്പാദനം, വിൽപ്പന എന്നിവ വർദ്ധിപ്പിക്കുകയും ചെയ്യുമെന്ന് പ്രതിജ്ഞയെടുത്തു.[18]2006-ൽ അന്താരാഷ്ട്ര ടെലികോം വിപണിയിൽ മുന്നേറി, സിഡിഎംഎ(CDMA) നെറ്റ്വർക്കുകൾക്കായി 40% പുതിയ ആഗോള ഓർഡറുകൾ ലഭിച്ചു,[19]ഷിപ്പ്മെന്റുകളുടെ എണ്ണം വച്ച് ഈ കമ്പനി ലോക സിഡിഎംഎ ഉപകരണ വിപണിയിൽ ഒന്നാമതെത്തി.[20][21][22] അതേ വർഷം തന്നെ ഇസഡ്.ടി.ഇ കനേഡിയൻ ടെലസ്(Telus) കമ്പനിയുമായി സഖ്യത്തിലെത്താൻ സാധിച്ചു.[23][24] വൈഫൈ അലയൻസിൽ അംഗത്വവും ലഭിച്ചു.[25]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.