ചെങ്ഡു
From Wikipedia, the free encyclopedia
Remove ads
ചൈനയിലെ സിചുവാൻ പ്രവിശ്യയിൽ സ്ഥിതിചെയ്യുന്ന ഒരു നഗരമാണ് ചെങ്ഡു(Chengdu [ʈʂʰə̌ŋ.tú] ⓘ)
.svg)
1997-ൽ ചോങ്ചിങ് നഗരത്തിന് പ്രവിശ്യാ പദവി ലഭിച്ചതിനുശേഷം സിചുവാൻ പ്രവിശ്യയുടെ തലസ്ഥാനപദവി ലഭിച്ച ഈ നഗരത്തിലെ ജനസംഖ്യ 10,152,632 ആണ്. ഇവിടത്തെ ആദിമ സംസ്കാരങ്ങളിൽ ക്രിസ്തുവിന് മുൻപ് 11-12 നൂറ്റാണ്ടുകളിലെ സാൻസിങ്ഡൂയിയും ഉൾപ്പെടുന്നു. 1937-ൽ ചൈനയും ജപ്പാനും തമ്മിലുള്ള യുദ്ധത്തിൽ (1937–1945) അന്നത്തെ തലസ്ഥാനമായിരുന്ന നാൻജിങ് കീഴടക്കപ്പെട്ടപ്പോൾ കുറച്ചുകാലം ചൈനയുടെ തലസ്ഥാനമായിരുന്നിട്ടുണ്ട്. പടിഞ്ഞാറൻ ചൈനയിലെ പ്രധാന സാമ്പത്തിക-സാംസ്കാരികകേന്ദ്രങ്ങളിലൊന്നാണ് ഈ നഗരം
Remove ads
നാമധേയം
പതിനേഴാം നൂറ്റാണ്ടിൽ കുറച്ചുകാലം ക്സിജിങ് Xijing [4] എന്നറിയപ്പെട്ടിരുന്നുവെങ്കിലും 2300 വർഷത്തോളം ഈ നഗരത്തിന്റെ പേരിൽ മാറ്റം വന്നിട്ടില്ല[5]
ചരിത്രം
പുരാതന ചരിത്രം
നാലായിരം വർഷങ്ങൾക്കുമുൻപേ ഇവിടെ മനുഷ്യവാസമുണ്ടായിരുന്നുവെന്ന് സാൻസിങ്ഡൂയി, ജിൻഷ എന്നിവിടങ്ങളിൽനിന്നും ലഭിച്ച പുരാവസ്തു അവശിഷ്ടങ്ങൾ വ്യക്തമാക്കുന്നു. ചൈനയിലെ സിയ, ഷാങ്, and ഷൗ എന്നീ രാജവംശങ്ങളുടെ കാലത്ത് ഒരു തനതായ ഒരു വെങ്കലയുഗകാല സംസ്കാരമായി നിലനിന്നിരുന്ന ഈ സംസ്കാരം ഹാൻ വംശജരുടെ ആധിപത്യസ്ഥാപനത്തിനു ശേഷം ഷൂ രാജവംശം എന്ന് അറിയപ്പെട്ടു. ബി.സി. നാലാം നൂറ്റാണ്ടിന്റെ തുടക്കത്തിൽ ഒൻപതാമത്തെ ഷൂ കൈമിങ് രാജാവ് പൈ കൗണ്ടിയിൽനിന്നും തന്റെ തലസ്ഥാനം പുതിയ സ്ഥലത്തേക്ക് മാറ്റി ആ പ്രദേശത്തിന് ചെങ്ഡു എന്ന് നാമകരണം ചെയ്തു. ബി.സി 316-ൽ ക്വിൻ രാജാവ് ഷൂ രാജ്യത്തെ കീഴടക്കുകയും ക്വിൻ ജനറൽ സാങ് യി ചെങ്ഡുവിനെ പുനരുദ്ധരിക്കുകയും ചെയ്തു. സാങ് ഇവിടെ നിർമ്മിച്ച മതിലുകൾ, ആമകളുടെ സഞ്ചാരപാതകളിലൂടെയാണെന്ന ഐതിഹ്യമാണ് ഈ നഗരത്തിന് ആമകളുടെ നഗരം എന്ന ഇരട്ടപ്പേർ വരാനിടയാക്കിയെന്ന് കരുതപ്പെടുന്നു. ക്വിൻ രാജ്യത്തിന്റെ ചെങ്ഡു അധിനിവേശനത്തിനെതിരായിരുന്നെങ്കിലും സാങിന്റെ കീഴിൽ ഈ നഗരം അഭിവൃദ്ധി പ്രാപിച്ചു, ഷെഷ്വാനിൽ നിന്നെത്തിയ സഹായത്തിനാലാണ് യുദ്ധത്തിലേർപ്പെട്ടിരുന്ന രാജ്യങ്ങളിലെ ആദ്യ ക്വിൻ ചക്രവർത്തി ഈ പ്രദേശങ്ങളെ ഏകോപിപ്പിച്ചെടുത്തത്.
ഇമ്പീരിയൽ കാലഘട്ടം
 |
 | |
Tomb doors from Pi County showing men in hanfu, one with a shield and the other a broom (1st or 2nd century). | ||
പടിഞ്ഞാറൻ ഹാൻ സാമ്രാജ്യത്തിന്റെ കാലത്തിൻ ചെങ്ഡുവിൽനിന്നും നിർമ്മിച്ചിരുന്ന ബ്രൊകെയ്ഡുകൾ ചൈനയിലെമ്പാടും വിലക്കപ്പെട്ടിരുന്നു, ഇവയുടെ ഗുണനിലവാരവും ലഭ്യതയും ഉറപ്പാക്കാൻ ഒരു ഉദ്യോഗസ്ഥനെ നിയമിച്ചിരുന്നു(錦官, jinguan) കിഴക്കൻ ഹാൻ സാമ്രാജ്യത്തിന്റെ പതനത്തിനുശേഷം ലിയു ബെയ് ചെങ്ഡു ആസ്ഥാനമാക്കി ഭരിച്ചു. അദ്ദേഹത്തിന്റെ മന്ത്രിയായ ഷൂജ് ലിയാങ് ഈ പ്രദേശത്തിന്റെ ധാരാളിത്തത്തിന്റെ പ്രദേശം എന്നാണ് വിശേഷിപ്പിച്ചത്. ടാങ് ഭരണകാലത്ത് യാങ്ഷൗ കഴിഞ്ഞാൽ ചൈനയിൽ ഏറ്റവുമധികം പുരോഗതി പ്രാപിച്ച സ്ഥലം ചെങ്ഡു ആയിരുന്നുവെന്ന് കരുതപ്പെടുന്നു ലീ പോ, ഡു ഫു എന്നീ കവികൾ ഈ നഗരത്തിൽ താമസിച്ചിരുന്നിട്ടുണ്ട്. 907 മുതൽ 925 വരെ, ആദ്യ ഷൂ സാമ്രാജ്യത്തിലെ വാങ് ജിയാങിന്റെ തലസ്ഥാനമായിരുന്നു. അഞ്ചു രാജവംശങ്ങളും പത്ത് രാജ്യങ്ങളുടെയും (എ.ഡി. 907–960) കാലഘട്ടത്തിലെ ഹാൻ ഈ നഗരം കീഴടക്കി. 934-ൽ മെങ് സിക്സിയാങ് ചെങ്ഡു ആസ്ഥാനമാക്കി പിൽക്കാല ഷു സാമ്രാജ്യം സ്ഥാപിച്ചു, ഈ വംശത്തിലെ മെങ് ചാങ്(孟昶) (919–965) നഗരമതിലുകളിൽ ചെമ്പരത്തികൾ നട്ടുപിടിപ്പിച്ച് നഗരം മോടിപിടിപ്പിച്ചു.
965-ൽ സോങ് രാജവംശം ഈ നഗരം കീഴടക്കുകയും പേപ്പർ കറൻസി നോട്ടുകൾ ലോകത്തിലാദ്യമായി വ്യാപകമായി നടപ്പിലാക്കുകയും ചെയ്തു, മംഗോളിയർ 1279-ൽ ഈ നഗരം കീഴടക്കുകയും ഒരു ദശലക്ഷത്തോളം ആളുകളെ കൂട്ടക്കൊല ചെയ്യുകയും ചെയ്തു.[6] യുവാൻ വംശത്തിന്റെ കാലത്താണ് മാർകൊ പോളൊ ഈ നഗരം സന്ദർശിച്ചത്.[7][8]
മിങ് രാജവംശത്തിന്റെ പതനത്തിനുശേഷം സാങ് ക്സിയാൻഹോങ്ചെങ്ഡു ആസ്ഥാനമാക്കി 1643 മുതൽ 1646 വരെ ഭരിച്ചു.[4] സാങ് ചെങ്ഡു-സിചുവാൻ പ്രദേശങ്ങളിൽ വളാരെയധികം ആളുകളെ കൂട്ടക്കൊല ചെയ്തതായി കരുതപ്പെടുന്നു.[9]
കൊളംബിയൻ കൈമാറ്റത്തിനു ശേഷം ചെങ്ഡു സമതലം ചൈനയിലെ പുകയില കൃഷിയുടെ പ്രധാന കേന്ദമായി, പൈ കൗണ്ടിയിലെ പുകയില ഷെഷ്വാനിലെ ഏറ്റവും ഗുണമേന്മയുള്ള പുകയിലയായി കരുതപ്പെട്ടിരുന്നു, ഈ പ്രദേശം ചൈനയിലെ പ്രധാന സിഗാർ , സിഗരറ്റ് നിർമ്മാണകേന്ദ്രമായി. .[10]
Remove ads
ആധുനിക കാലം
1911-ൽ ചൈനയിലെ അവസാന രാജവംശം ആയ ക്വിങ് രാജവംശത്തിനെതിരെ നടന്ന റെയിൽവെ സംരക്ഷണ സമരത്തിന്റെ ഭാഗമായി ചെങ്ഡുവിൽ നടന്ന വുചാങ് പ്രതിഷേധമാണ് സിൻഹായി കലാപത്തിലേക്കും, തുടർന്ന് ക്വിങ് രാജവംശത്തിന്റെ പതനത്തിലേക്കും വഴിതെളിച്ചത്.[11][12]
അവലംബം
Wikiwand - on
Seamless Wikipedia browsing. On steroids.
Remove ads